Gujarati News

સુરતઃ અઠવાલાઈન્સ ખાતે શનિવારે બપોરના સમયે નવી કોર્ટ બિલ્ડિંગના 9માં માળેથી એક મહિલાએ કુદીને આપઘાત લીધો. મહિલાનું ઘટના સ્થળે જે મોત નિપજતા તેનો મૃતદેહ પોસ્ટમોર્ટમ માટે નવી સિવિલ હોસ્પિટલ ખસેડવામાં આવ્યો હતો.

પોલીસ પાસેથી પ્રાપ્ત થતી વિગતો અનુસાર, શિલ્પી(30)નામની મહિલાનો કોર્ટમાં છૂટાછેડાનો કેસ ચાલી રહ્યો હતો. તે અંતર્ગત આજે કોર્ટમાં આવી હતી. શિલ્પીએ કયા કારણો સર આપઘાત કર્યો તે બાબતે હજુ સુધી કોઈ ચોક્કસ કારણ સામે આવ્યું નથી. પોલીસ તપાસ બાદ સાચી હકીકત બહાર આવશે.

આ અંગે શિલ્પીના ભાઈએ જણાવ્યું હતું કે, શિલ્પીના લગ્ન વિજયસીંગ સાથે 2015માં થયા હતા. જે બેંકમાં નોકરી કરે છે અને ડીંડોલી સ્થિત મયુરનગરમાં રહે છે. લગ્નના પ્રથમ દિવસે જ તેની બહેનને સાસરીવાળાઓએ ઝેર આપવાનો પ્રયત્ન કર્યો હતો. ત્યાર બાદ કેસ પણ ચાલી રહ્યો છે. કેસ પાછો ખેંચવા માટે વારંવાર દબાણ કરવામાં આવતું હતું. ઘણી વખત ધમકીઓ પણ આપી હતી.