Gujarati News

Gujarati News

News of Monday, 22nd April 2019

બોરસદ તાલુકાના નાપાવાંટામાં જુના ઝઘડાની અદાવત રાખી બે શખ્સો પર ચપ્પુથી જીવલેણ હુમલો કરનાર શખ્સ વિરુદ્ધ તપાસ શરૂ:એકની હાલત ગંભીર

બોરસદ:તાલુકાના નાપાવાંટા ગામે આવેલા છાણી મેદાન સરકારે મદીના મસ્જિદ પાસે અગાઉ થયેલા ઝઘડાની અદાવતમાં બેને પીઠ, ગાલ તેમજ કમરના ભાગ ચપ્પાના ઘા મારીને ગંભીર ઈજાઓ પહોંચાડતા આ અંગે બોરસદ રૂરલ પોલીસે હત્યાના પ્રયાસનો ગુનો દાખલ કરીને તપાસ હાથ ધરી છે. 

મળતી વિગતો અનુસાર વિજયભાઈ ધીરૂભા રાણાએ ગઈકાલે બપોરના બે વાગ્યાના સુમારે ઈમરાનને અગાઉ થયેલ ઝઘડા અંગે તુ કેમ અમારા વિરોધી સામાવાળાની તરફેણ કરે છે ? તેમ કહીને ઝઘડો કર્યો હતો અને ગાળો બોલીને સંજય ધીરૂભા રાણાએ ચપ્પુના પીઠ પાછળ ઉપરાછાપરી બે ઘા મારી દીધા હતા. જ્યારે એક ઘા ડાબા ગાલ ઉપર કાન પાસે મારી દીધો હતો. 

(5:41 pm IST)
  • રાજકોટ : આજીડેમમાં નાહવા પડતા ડૂબી જતાં કુબલિયાપરાના 2 સગા ભાઈના મોત, પરિવારમાં શોક : વિશાલ અમર દેવીપૂજક 14 અને તેના ભાઈ રોહિત અમારભાઈ દેવીપૂજક 16ના મોત. : ઘરે કોઈ નહોતું. માતા પિતા કપડાં વેચવા ગયા હતા. : ત્રણ છોકરા ન્હાવા પડ્યા હતા એકનો બચાવ access_time 5:18 pm IST

  • ત્રીજા ચરણમાં ૧૧૬ બેઠકોઃ અડધાથી વધુ બેઠકો ઉપર ભાજપનો કબ્જોઃ આ વખતે રાહ સરળ નથી: કાલે ૧પ રાજયોની ૧૧૬ બેઠક પર મતદાનઃ આ ચરણમાં ભાજપની પ્રતિષ્ઠા દાવ પરઃ જીતેલી બેઠકો જાળવી રાખવા પડકારઃ ત્રીજા ચરણની અડધાથી વધુ બેઠકો ભાજપ પાસે છેઃ કાલે વાયનાડથી રાહુલ ગાંધીના ભાગ્યનો પણ ફેંસલો થશેઃ ર૦૧૪ માં ૧૧૬ બેઠકોમાંથી એનડીએને ૬૭ બેઠકો મળી હતીઃ આમાંથી ૬ર બેઠક પર ભાજપ,૪ શિવસેના અને એક એલજેપીએ જીતી હતીઃ યુપીએને ર૬ બેઠકો મળી હતી જેમાં કોંગ્રેસને ૧૬, રાજદ ર, એનસીપી ૪, મુસ્લિમ લીગ ર, અને ૧ કેરળ કોંગ્રેસને મળી હતી. access_time 3:58 pm IST

  • ઇન્કમટેક્સ વિભાગે સપાટો બોલાવ્યો : દિલ્હીના ઇન્વેસ્ટિગેટિવ વિંગના DG સહિત દિલ્હી - એનસીઆર, ભોપાલ, ઇન્દોર અને ગોવામાં અનેક જગ્યાઓએ એક સાથે રેડ પાડી અને સર્ચ ઓપરેશન હાથ ધર્યું છે : આધારભૂત બાતમીના આધારે મોટાપાયે કાળા નાણાંનો સંગ્રહ અને હેરાફેરીને રોકવા ITએ આ ઓપરેશન હાથ ધર્યું હોવાનું જાણવા મળે છે : 6 મોટા વ્યવસાયિક ઘરો, 2 મોટી આંગડિયા પેઢી, 2 મોટા જમીનોના દલાલ સહિત 1 બહુ મોટા જવેલર્સ ઇન્કમરેક્સના રાડારમાં હોવાનું કહેવાય રહ્યું છે અને આ તમામ કોઈ ને કોઈ રીતે રાજકારણ સાથે સંકળાયેલા હોવાનું ચર્ચાય રહ્યું છે. access_time 8:07 pm IST