Gujarati News

Gujarati News

News of Monday, 22nd April 2019

હાર્દિક પટેલ અને નરેશ પટેલ વચ્ચે બેઠક યોજાઇ

જોકે, બંને નેતાઓએ શુભેચ્છા મુલાકાત હોવાનું જણાવ્યું

રાજકોટ, તા.૨૨: ગુજરાતમાં ચૂંટણીના પ્રચાર પડઘમ શાંત પડ્યા છે પરંતુ રાજકારણનો પારો ચમરસીમાં પર છે. આ બધાની વચ્ચે મતદાનના ચોવીસ કલાક પહેલાં ગુજરાતની રાજનીતિના મોટા સમાચારો પ્રાપ્ત થઈ રહ્યાં છે. પ્રાપ્ત અહેવાલો મુજબ ગઈકાલે રાત્રે ખોડલધામના પ્રમુખ નરેશ પટેલ અને પાટીદાર નેતા હાર્દિક પટેલ વચ્ચે નરેશ પટેલના નિવાસસ્થાને મીટિંગ થઈ હતી.

આ મુલાકાત ભકિતનગરની ઓફિસ ખાતે થઈ હતી જેમાં બંને નેતાઓએ શુભેચ્છા મુલાકાત થઈ હોવાનું કહ્યું હતું. જોકે એક અહેવાલ મુજબ બંને નેતા વચ્ચે નરેશ પટેલના નિવાસસ્થાને મુલાકાત થઈ હતી અને આ મુલાકાત સવારે ૨.૦૦ વાગ્યે સુધી ચાલી હતી. પ્રાપ્ત અહેવાલો મુજબ આ બેઠકમાં અલ્પેશ કથીરિયાની જેલ મુકિત સહિતના મુદ્દે ચર્ચા થઈ હતી. પરંતુ રાજકોટ ખાતે થયેલી મુલાકાતને બંને નેતાઓએ ફકત શુભેચ્ચા મુલાકાત ગણાવી છે. ઉલ્લેખનીય છે કે હાર્દિક પટેલની અમદાવાદમાં યોજાયેલી સભામાં થયેલા હોબાળા બાદ પાટીદારો માટે અલ્પેશ કથીરિયાની જેલ મુકિત મહત્ત્વનો મુદ્દો બની ગયો છે ત્યારે આ મુલાકાતનું રાજકીય પરિણામ શું આવે છે તેના પર સૌની નજર રહેશે.

અગાઉ ગઈકાલે પાસના કન્વીનર દિલીપ સાબવાએ હાર્દિક પટેલ પર ગંભીર આરોપો કર્યા હતા અને પાટીદારોને આંદોલનની યાદ અપાવી હતી. તેમણે આંદોલનમાં શહીદ થયેલા લોકો વગેરેના મુદ્દે વાત કરી હતી. સાબવાએ પણ અલ્પેશ કથીરિયાની જેલ મુકિતનો મુદ્દો ઉઠાવ્યો હતો અને હાર્દિક પટેલ પર અનેક આક્ષેપો મૂકયા હતા. હવે જયારે હાર્દિક પટેલ અને નરેશ પટેલની મુલાકાતના સમાચારો આવી રહ્યાં છે ત્યારે ગુજરાતના રાજકારણમાં તેની શું અસર થશે તે તો જોવું જ રહ્યું.

(4:14 pm IST)
  • રાજકોટ: ચૂંટણી ફરજમાં ગેરહાજર હોમગાર્ડ સામે પોલીસ કમિશનરનું આકરું પગલું access_time 5:20 pm IST

  • ઇન્દોરમાં સ્વાઈનફ્લૂનો હાહાકાર ;ગરમીના દિવસોમાં પણ સ્વાઈનફ્લૂનો ફૂફાડો : દર બીજા દિવસે એક દર્દીનું મોત : 35 વર્ષીય મહિલાના મોટ બાદ આ ઘાતક બીમારીથી મૃતકોની સંખ્યા વધીને 60 ના આંકે પહોંચી : છેલ્લા સાડા ત્રણ મહિનામાં સ્થાનિક હોસ્પિટલમાં 206 સ્વાઈન ફ્લૂના કેસ નોંધાયા access_time 1:04 am IST

  • કોંગ્રેસ, હાર્દિક પટેલને નજીકના ભવિષ્યમાંજ રાષ્ટ્રીય યુવા કોંગ્રેસના પ્રમુખ બનાવી રહી હોવાની જોરશોરથી ચાલી રહેલી ચર્ચા : જો આ શક્ય થશે તો હાર્દિકનું રાજકીય કદ બહુ મોટું થઈ જશે : સંભવતઃ એકાદ બે દિવસમાજ કોંગ્રેસ આ જાહેરાત કરે તેવી સેવાય રહી છે સંભાવના access_time 10:59 pm IST