Gujarati News

Gujarati News

News of Monday, 22nd April 2019

રાજ્યમાં ચૂંટણીની જાહેરાત બાદ 524 કરોડનું ડ્રગ્સ, 11 કરોડનો દારૂ અને 7,59 કરોડની રોકડ જપ્ત

તમિલનાડુ પછી બીજા નંબરે ગુજરાતમાં સૌથી વધુ પ્રતિબંધિત સામગ્રી અને રોકડ ઝડપાઇ

અમદાવાદ :રાજ્યમાં આવતીકાલે લોકસભા ચૂંટણી માટે મતદાન થનાર છે રવિવારે સાંજથી પ્રચાર પડઘમ શાંત થયા છે ગત 10 માર્ચે ચૂંટણી જાહેર થયા પછી 21 એપ્રિલે ચૂંટણી પ્રચાર બંધ થયો ત્યાં સુધી રાજ્યમાંથી કરોડોનું ડ્રગ્સ અને દારૂ જપ્ત થયો છે. આ સમયગાળા દરમિયાન તમિલનાડુ પછી બીજા નંબરે ગુજરાતમાં સૌથી વધુ પ્રતિબંધિત સામગ્રી અને રોકડ ઝડપાઇ છે.

કેન્દ્રિય ચૂંટણી પંચે જાહેર કરેલી વિગતો પ્રમાણે ગુજરાતમાંથી કુલ 7.59 કરોડની બિનહિસાબી રોકડ જપ્ત કરવામાં આવી છે. જ્યારે તમિલનાડુમાં આ રકમ 213.18 કરોડની છે.

  અત્રે ઉલ્લેખનીય છે કે ગુજરાતમાં 2014ની લોકસભા ચૂંટણી વખતે રૂપિયા 2.18 કરોડની બિનહિસાબી રોકડ ઝડપાઇ હતી. તે પ્રમાણે 2014 કરતા 2019માં આ રકમ વધારે મોટા પ્રમાણમાં જપ્ત થઇ છે

  રાજ્યમાંથી આ સમયગાળા દરમિયાન 3.9 લાખ લીટર દારૂ ઝડપાયો છે. આ ઉપરાંત દેશનાં રાજ્યોમાં સૌથી વધુ ડ્રગ્સ ગુજરાતમાંથી ઝડપાયું છે. ગુજરાતમાંથી 130.73 કરોડ રૂપિયાનું ડ્રગ્સ જપ્ત થયું છે જેનું મૂલ્ય 524.34 કરોડ રૂપિયા છે. ડ્રગ્સ ઝડપાવવાનાં કેસમાં ગુજરાત પછી દિલ્હીનો વારો આવે છે જ્યાંથી 352.69 કરોડ રુપિયાનું ડ્રગ્સ ઝડપાયું છે. આખા દેશમાંથી 58962.119 કિગ્રાનું ડ્રગ્સ ઝડપાયું છે જેનું મૂલ્ય 1168.539 કરોડ રૂપિયા છે.

(12:56 pm IST)
  • ફરીવાર સાધ્વી પ્રજ્ઞા વિવાદી નિવેદનમાં ફસાયા ;કહ્યું અયોધ્યામાં મેં ઉપર ચડીને તોડ્યો હતો વિવાદી ઢાંચો ;ચૂંટણી આયોગે ફટકારી નોટિસ :24 કલાકમાં માંગ્યો જવાબ :આતંકવાદી હુમલામાં શહીદ થયેલ મહારાષ્ટ્ર પોલીસના વરિષ્ઠ અધિકારી હેમંત કરકરે અંગે આપેલ વિવાદી નિવેદન બાદ ભોપાલ સંસદીય સીટના ભાજપના ઉમેદવાર સાધ્વીએ વધુ એક વિવાદી નિવેદન આપ્યું છે access_time 11:33 pm IST

  • ઇન્કમટેક્સ વિભાગે સપાટો બોલાવ્યો : દિલ્હીના ઇન્વેસ્ટિગેટિવ વિંગના DG સહિત દિલ્હી - એનસીઆર, ભોપાલ, ઇન્દોર અને ગોવામાં અનેક જગ્યાઓએ એક સાથે રેડ પાડી અને સર્ચ ઓપરેશન હાથ ધર્યું છે : આધારભૂત બાતમીના આધારે મોટાપાયે કાળા નાણાંનો સંગ્રહ અને હેરાફેરીને રોકવા ITએ આ ઓપરેશન હાથ ધર્યું હોવાનું જાણવા મળે છે : 6 મોટા વ્યવસાયિક ઘરો, 2 મોટી આંગડિયા પેઢી, 2 મોટા જમીનોના દલાલ સહિત 1 બહુ મોટા જવેલર્સ ઇન્કમરેક્સના રાડારમાં હોવાનું કહેવાય રહ્યું છે અને આ તમામ કોઈ ને કોઈ રીતે રાજકારણ સાથે સંકળાયેલા હોવાનું ચર્ચાય રહ્યું છે. access_time 8:07 pm IST

  • શ્રીલંકામાં થયો વધુ એક બૉમ્બ ધડાકો : બૉમ્બ ડિફ્યુઝલ સવોડ દ્વારા, મળી આવેલ એક બૉમ્બને નિષ્ક્રિય કરતી વખતે થયો બૉમ્બ બ્લાસ્ટ : અત્યાર સુધીમાં અધધધધ 87 જીવતા બૉમ્બ મળી આવ્યા હોવાનું જાણવા મળે છે. access_time 6:32 pm IST