Gujarati News

Gujarati News

News of Monday, 22nd April 2019

કાલે ગુજરાતમાં ૩૭૧ ઉમેદવારો વચ્ચે જામશે જંગઃ ૬૦% ઉમેદવારો ૬-૧૨ સુધી ભણ્યા છે

ભાજપના ૨૪ અને કોંગ્રસના ૨૩ ઉમેદવારો કરોડપતિઃ ૨૮ મહિલા ઉમેદવારો છેઃ ૧ કિન્નર પણ મેદાનમાં

નવી દિલ્હી, તા.૨૨: લોકસભા ચૂંટણી ૨૦૧૯ના ત્રીજા તબક્કાના મતદાનને લઇ પ્રચાર પડઘમ શાંત થઈ ગયા છે.  ગુજરાતમાં ૨૩ એપ્રિલે યોજાનારી લોકસભા ચૂંટણીની ૨૬ બેઠકો માટે ૩૭૧ ઉમેદવારો વચ્ચે જંગ જામશે. આ ૩૭૧માંથી મહિલા ઉમેદવારોની સંખ્યા ૨૮ એટલે કે માત્ર ૮ ટકા છે. સ્વતંત્ર રાજયનો દરજજો મળ્યા બાદ લોકસભા ચૂંટણીમાં પ્રથમવાર ગુજરાતમાં આટલી મોટી સંખ્યામાં મહિલા ઉમેદવારો છે.

આ વખતે ૧ ઉમેદવાર કિન્નર છે, જયારે ૩૪૨ પુરુષો ઉમેદવાર છે. ગુજરાતમાં લોકસભાની ચૂંટણીમાં ૨૦૦૯માં ૨૬ મહિલાઓએ ઝંપલાવ્યું હતું, જયારે આ વખતે ૨૮ મહિલાઓ મેદાનમાં છે. કુલ ૨૮ મહિલા ઉમેદવારોમાંથી ૭ મહિલાઓ કરોડપતિ છે. ૨૦૧૪માં ગુજરાતમાંથી ૫ કરોડપતિ મહિલા ઉમેદવારો હતો.

એડીઆરના રિપોર્ટ પ્રમાણે મહિલા ઉમેદવારો ઓછી સંપત્તિ ધરાવે છે અને તેઓના ગુનાનું પ્રમાણ પણ ઓછું છે. કોંગ્રેસના અમદાવાદ પૂર્વના સાંસદ ગીતાબેન પટેલ પર સૌથી વધુ ૬ કેસો છે. જયારે ૩૭૧ ઉમેદવારોમાંથી ૬૦ ટકા ઉમેદવારોનું શિક્ષણ ૫ થી ૧૨ ચોપડી વચ્ચે છે. જયારે ૭ નિરક્ષર છે.  ૧૯ ઉમેદવારો માત્ર અક્ષરજ્ઞાન ધરાવે છે. ૩૩ ઉમેદવારો પાંચમુ પાસ, ૭૨ ઉમેદવારોએ ૮માં ધોરણ સુધી અભ્યાસ કર્યો છે. ૫૯ ઉમેદવારો ૧૦મું પાસ છે તો ૫૭ ઉમેદવારો ૧૨ પાસ છે. ૪૭ ઉમેદવારો ગ્રેજયુએટ, ૨૭ પોસ્ટ ગ્રેજયુએટ અને ૩ ડોકટરેટ છે.

ગુજરાતના ૩૭૧ ઉમેદવારોની રસપ્રદ વિગતો ભાજપના સૌથી વધુ ૨૪ અને કોંગ્રેસના ૨૩ ઉમેદવારો કરોડપતિ

સૌથી વધુ ૨૬ ટકા ઉમેદવારોએ તેમનો વ્યવસાય ખેતી દર્શાવ્યો છે. ૧૯ ટકાએ બિઝનેસ , ૧૪ ટકાએ મજૂરી કરતાં હોવાનું જણાવ્યું છે. ૪ ટકા ઉમેદવારોએ ખેતી-બિઝનેસ બંને તેમનો વ્યવસાય દર્શાવ્યો છે. ૫ ટકાએ સામાજિક કાર્યકર હોવાનું જણાવ્યું છે, જયારે ૮ ટકા નોકરી કરે છે અને ૬ ટકા નિવૃત્ત છે.

દાહોદના અપક્ષ ઉમેદવાર દેવધા સમસુભાઈએ મિલકત ઝીરો દર્શાવી છે.

કુલ ૩૨ ઉમેદવારો પાન કાર્ડ નંબર આપ્યો નથી.

(10:05 am IST)
  • શ્રીલંકામાં થયો વધુ એક બૉમ્બ ધડાકો : બૉમ્બ ડિફ્યુઝલ સવોડ દ્વારા, મળી આવેલ એક બૉમ્બને નિષ્ક્રિય કરતી વખતે થયો બૉમ્બ બ્લાસ્ટ : અત્યાર સુધીમાં અધધધધ 87 જીવતા બૉમ્બ મળી આવ્યા હોવાનું જાણવા મળે છે. access_time 6:32 pm IST

  • વડાપ્રધાન મોદીના તા. 25 એપ્રિલે વારાણસીમાં થનાર મેગા રોડ શો માટે આજથી ભાજપે વારાણસીમાં ઘરે ઘરે જઈને રોડ શોમાં આવવાનું આમંત્રણ આપવાનું અભિયાન શરૂ કર્યું છે : અમિતભાઇ પણ આ રોડ શોમાં હાજર રહેશે અને બીજા દિવસે નરેન્દ્રભાઈ સાથે લોકસભા ચૂંટણીનું નામાંકન પત્ર ભરતી વખતે પણ વડાપ્રધાનની સાથે રહેશે : હવે સૌ કોઈની નજર કોંગ્રેસ પર કેન્દ્રિત થઈ છે કે પ્રધાનમંત્રી મોદીની સામે કોંગ્રેસ કોને ચૂંટણી લડાવશે? access_time 9:04 pm IST

  • રાજકોટ: ચૂંટણી ફરજમાં ગેરહાજર હોમગાર્ડ સામે પોલીસ કમિશનરનું આકરું પગલું access_time 5:20 pm IST