Gujarati News

Gujarati News

News of Tuesday, 22nd January 2019

અમદાવાદ-વડોદરા હાઇવે પર બે ટ્રક વચ્ચે ગમખ્વાર અકસ્માત: એકનું ગંભીર ઇજાથી મોત

અમદાવાદ:અમદાવાદ - વડોદરા એક્સપ્રેસ હાઈવે નડિયાદ નજીક આઈશર ટ્રક પાછળ આઈશર ટ્રક અથડાતા ગંભીર રીતે ઘવાયેલ એક ઈસમનું મોત નીપજ્યું હતું. 

પોલીસ સૂત્રોમાંથી મળેલ વિગત મુજબ વડોદરામાં રહેતા કિશન હરેશભાઈ વણઝારા આજે સવારે અમદાવાદ - વડોદરા એક્સપ્રેસ હાઈવે પરથી આઈશર નં. જીજે ૨ એક્સએક્સ ૪૨૨૦ લઈને જઈ રહ્યા હતા ત્યારે નડિયાદ નજીક પૂરપાટ ઝડપે આવેલ આઈશર ટ્રક નં. જીજે ૬ એએક્સ ૧૦૪૦ આઈશર પાછળ ધડાકાભેર અથડાઈ હતી. જેથી આઈશરમાં બેઠેલા કિશોરભાઈ વણઝારાનું માથામાં તેમજ શરીર ઉપર ગંભીર ઈજા થતા મોત નીપજ્યું હતું. અકસ્માત બાદ આઈશર ટ્રક ચાલક આઈશર મૂકી નાસી ગયો હતો. 

આ બનાવ અંગે કિશનભાઈ હરેશભાઈ વણઝારાની ફરિયાદ આધારે નડિયાદ ટાઉન પોલીસે ગુનો નોંધી કાયદેસર કાર્યવાહી હાથ ધરી હતી.

(5:46 pm IST)
  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST

  • બિહારની બેટીએ અમેરિકામાં ગીતા સાથે લીધા સેનેટર તરીકે શપથ: જય હિંદનો સૂત્રોચ્ચાર કર્યા : બિહારના મુંગેરમાં જન્મેલી મોના દાસ પ્રથમ પ્રયાસમાં અમેરિકામાં વોશિંગ્ટન રાજ્યના 47માં જિલ્લાની સેનેટર બની : ડેમોક્રેટિક પાર્ટીની સભ્ય મોનાએ અમેરિકા સીનેટમાં હિંદૂ ધર્મગ્રંથ ગીતાની સાથે તેના પદની શપથ ગ્રહણ કર્યા હતા access_time 1:13 am IST

  • BJP ના ધારાસભ્યનું માથુ લાવોઃ લઇ જાવ ૫૦ લાખ : બસપાના પૂર્વ ધારાસભ્ય વિજય યાદવનું એલાનઃ માયાવતી વિષે જેમ તેમ બોલનાર સાધના સિંહનું કોઇ માથુ કાપીને લાવશે તો હું તેને ૫૦ લાખ આપીશઃ ભાજપે માયાવતી અને દેશની માફી માંગવી જોઇએ નહિતર અમે આંદોલન કરશું access_time 3:32 pm IST