Gujarati News

Gujarati News

News of Monday, 21st September 2020

ગાંધીનગર જિલ્લામાં ગેરકાયદે જમીન પર કબ્જો મેળવાનર વિરુદ્ધ થશે હવે કડક કાર્યવાહી

ગાંધીનગર:સહિત આસપાસના વિસ્તારોમાં જમીનોના ભાવ કરોડો રૂપિયાને આંબી રહયા છે ત્યારે ખેડૂતોની આ મહામુલી જમીન પચાવી પાડવા માટે ભુમાફીયાઓ સક્રિય થયા છે. ખેડૂતોની જાણ બહાર ખોટા બાનાખત અને પુરાવા ઉભા કરી ખેડૂતોની જમીન ઉપર કબજો જમાવી લીધો છે. એટલું જ નહીં સરકારની પડતર અને ગૌચર જમીન ઉપર પણ આવા ભુમાફીયાઓનો કબજો હોય છે. ત્યારે આવી સ્થિતિમાં રાજય સરકારને મળેલી વ્યાપક ફરિયાદોના પગલે આવા તત્ત્વો સામે પગલાં ભરવા તાજેતરમાં જ ગુજરાત લેન્ડ ગ્રેબીંગ એકટ બહાર પાડવામાં આવ્યો છે. 

જેને લઈ ગાંધીનગરમાં જિલ્લા વહીવટી તંત્ર પણ એકશન મોડમાં આવી ગયો છે. ત્યારે જિલ્લા કલેકટર કુલદીપ આર્યએ જણાવ્યું હતું કે ગુજરાત સરકારના મહેસુલ વિભાગ દ્વારા તા.ર૯ ઓગસ્ટ ર૦૨૦ના રોજ જમીન પચાવી પાડવા તથા તેને સંલગ્ન પ્રવૃતિઓને ડામવા માટે ગુજરાત લેન્ડ ગ્રેબીંગ ઓર્ડીનન્સ બહાર પાડવામાં આવ્યો છે જેનો મુખ્ય હેતુ જમીન ઉપર અન્ય ઈસમો કે તેની કોઈ કાયદેસરની માલિકી ના હોય અથવા  કાયદેસરના હકકદાર ના હોય તેમ છતાં કાયદા વિરૂધ્ધનું આચરણ કરીને ધાકધમકીઓ આપી કે દગાપૂર્વક કે બળજબરીપૂર્વક જમીનનો કબજો મેળવી જમીનની ઉપર બાંધકામની પ્રવૃતિ કરી, જમીન ગેરકાયદેસર રીતે ભાડે આપવી, જમીનનું ગેરકાયદેસર રીતે વેચાણ કરવા જેવી પ્રવૃતિ કરનાર કે કરાવનાર વ્યક્તિ અથવા સંગઠન કે કંપની દ્વારા જમીન પચાવી પાડવાની ગેરકાયદે પ્રવૃતિ અટકાવવાની છે તેમજ આવી પ્રવૃતિઓ કરનારને કાયદાનું ભાન કરાવવા ખાસ કોર્ટ કેસ ચલાવી છ માસમાં આવા તત્ત્વોને દસથી ચૌદ વર્ષ સુધીની સજા અને દંડ થાય તે માટે આ વટહુકમ લાવવામાં આવ્યો છે.

(6:00 pm IST)
  • સતત આઠમા દિવસે ડિઝલના ભાવમાં ઘટાડો: પેટ્રોલના ભાવ યથાવત: ડીઝલના ભાવમાં 18 પૈસાનો ઘટાડો :ડીઝલનાં ભાવમાં આજે આઠમા દિવસે 18 પૈસાનો ઘટાડો, જયારે પેટ્રોલનો ભાવ ત્રણ દિવસથી યથાવત. ભાવમાં ઘટાડો સવારે છ વાગ્યા થી લાગુ થશે. access_time 11:58 pm IST

  • રાહુલ ગાંધી આકરા મીજાજમાં કહે છે કે મોદી સરકારે કૃષિ બીલ પસાર કરાવી ખેડૂતો વિરૂધ્ધ મોતનું ફરમાન કાઢયુ છે. લોકશાહી લજજીત બની છે જે કિસાન ધરતીમાંથી સોનુ ઉગાડે છે, મોદી સરકારનું ઘમંડ તેમની આંખોમાંથી લોહીના આંસુ વહાવે છે. access_time 11:31 am IST

  • રાજકોટ શહેર અને જિલ્લામાં એક તરફ કોરોના સંક્રમણની સ્થિતિ ચિંતાજનક છે. ત્યારે છેલ્લાં 15 દિવસના આંકડાઓએ આરોગ્ય તંત્રને રાહત આપી છે. છેલ્લાં 15 દિવસ દરમિયાન રીકવરી રેટ 53 ટકાથી વધીને 76 ટકા પર પહોંચ્યો છે તેમ શ્રી ગુપ્તાએ જણાવ્યુ હતું. access_time 7:28 pm IST