Gujarati News

Gujarati News

News of Monday, 21st May 2018

કોંગ્રેસ હવે સંગઠનને મજબૂત કરવાની દિશામાં : લોકોના ઘરે-ઘરે જઇને ‘કોંગ્રેસ આપના દ્વારે’ અભિયાન વેગવંતુ કરશે

અમદાવાદ: કોંગ્રેસ હવે સંગઠનને મજબૂત કરવા માટે નવા નવા અભિયાનોની શરૂઆત કરી રહ્યું છે. ત્યારે કોંગ્રેસે 'કોંગ્રેસ આપના દ્વારે' ના નામથી એક અભિયાન શરૂ કર્યું છે. જેમાં તે ઘરે ઘરે જઈને લોકોનો સંપર્ક કરશે.

કોંગ્રેસ શહેરી વિસ્તારમાં પોતાનું સંગઠન મજબૂત કરવા માગે છે. જેથી તેને કોંગ્રેસ આપના દ્વારેના નામથી એક અભિયાન શરૂ કર્યું છે. જેમાં તે લોકોના ઘરે ઘરે જઈને લોકોનો સંપર્ક કરશે. આ અભિયાનમાં પ્રદેશ પ્રમુખ, પૂર્વ પ્રમુખ, નેતા વિપક્ષ અને ધારાસભ્યો પણ જોડાશે. મહત્વનું છે કે કોંગ્રેસ આ કાર્યક્રમને 48 વોર્ડમાં યોજાશે. જેમાં કોંગ્રેસ પ્રમુખ અમિત ચાવડા લાંભા વોર્ડમાં જશે, પરેશ ધાનાણી ઠક્કરબાપાનગર વોર્ડમાં જશે, અર્જુન મોઢવાડીયા અમરાઈવાડી વોર્ડમાં જશે અને દિપક બાબરીયા ભાઈપુરા વોર્ડમાં જશે.

આમ અલગ અલગ નેતાઓને અલગ અલગ વોર્ડની ફાળવી કરી દેવામાં આવી છે. જેથી દરેક લોકો સુધી પહોંચી શકે. કોંગ્રેસ 2019ની ચૂંટણીને ધ્યાને રાખીને 'કોંગ્રેસ આપના દ્વારે' નામના અભિયાનનો પ્રારંભ કર્યો છે. જે અંતર્ગત તે સંગઠનને મજબૂત કરવા માગે છે.

(7:25 pm IST)
  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST

  • ધોરણ 10ના રીઝલ્ટની તમામ તારીખો ખોટી : બોર્ડ દ્વારા એક પણ તારીખ જાહેર નથી કરાઈ હોવાની સ્પષ્ટતા : ૨૩ મે ના દિવસે પરીક્ષા સમીતીની બેઠક મળશે : બેઠક બાદ જાહેર કરાશે સાચી તારીખ : પાંચ પ્રકારની પ્રક્રિયા બાદ માર્કશીટ બનતી હોય છે : માર્કશીટ તૈયાર થયા પછી જ જાહેર કરાતી હોય છે તારીખ : પરિણામના ૩ દિવસ પહેલા જાહેર કરાતી હોય છે તારીખ : પરિણામની તારીખોને લઈને વાલીઓ ગેરમાન્યતામાં ન આવે તેવી કરાઈ અપીલ access_time 6:44 pm IST

  • એફ્રોએશિયા બેંક ગ્લોબલ વેલ્થ માઇગ્રેશન રિવ્યુ' ના હેવાલ મુજબ 8,230 અબજ ડોલરની સંપત્તિ સાથે ભારત વિશ્વનો છઠ્ઠો સૌથી ધનિક દેશ છે. આ યાદીમાં અમેરિકા 62,584 અબજ ડોલરની સંપત્તિ સાથે ટોચ પર છે. ત્યાર બાદ 24,803 અબજ ડોલરની સંપત્તિ સાથે ચીન બીજા ક્રમે અને 19,522 અબજ ડોલરની સંપત્તિ સાથે જાપાન ત્રીજા ક્રમે છે. access_time 5:52 am IST