Gujarati News

Gujarati News

News of Monday, 21st May 2018

JEE એડવાન્સ : દેશભરથી ૧.૬૪ લાખ વિદ્યાર્થી હાજર

૧૨ લાખમાંથી ૨.૩૧ લાખ ક્વોલિફાય થયા : ગુજરાતમાંથી પણ ૫ હજાર વિદ્યાર્થીઓ પરીક્ષામાં હાજર

અમદાવાદ,તા. ૨૦ : આઈઆઈટી જેવી દેશની નેશનલ ઈન્સ્ટીટ્યુટમાં ડિગ્રી એન્જિનિયરીંગમાં પ્રવેશ માટે આજે જેઈઈ એડવાન્સનું આયોજન કરવામાં આવ્યું હતું. જેમાં મોટી સંખ્યામાં વિદ્યાર્થીઓ ઉપસ્થિત રહ્યા હતા. આજે લેવામાં આવેલી પરીક્ષામાં ૧.૬૪ લાખ વિદ્યાર્થીઓ ઉપસ્થિત રહ્યા હતા. જોકે, અગાઉ લેવામાં આવેલી જેઈઈની પરીક્ષામાં ૧૨ લાખ વિદ્યાર્થીઓમાંથી જેઈઈ એડવાન્સ માટે ૨.૩૧ લાખ વિદ્યાર્થીઓ ક્વોલિફાય થયા હતા. આજે યોજાયેલી પરીક્ષામાં ગુજરાતમાંથી પણ પાંચ હજારથી વધુ વિદ્યાર્થીઓ ઉપસ્થિત રહ્યા હતા. ૨.૩૧ લાખ વિદ્યાર્થીઓ જે ક્વોલિફાય થયા હતા તે પૈકી ૬૫ હજાર વિદ્યાર્થીઓએ રસ દર્શાવ્યો ન હતો. આજે ઓનલાઇન પરીક્ષા યોજવામાં આવી હતી. પરીક્ષાના સેન્ટરોમાં કમ્પ્યુટરની વ્યવસ્થા કરવામાં આવી હતી. પ્રથમ પેપર સવારે ૯ વાગ્યાથી ૧૨ વાગ્યાની વચ્ચે યોજવામાં આવ્યું હતું. જ્યારે બીજુ પેપર ૨ થી ૫ વાગ્યામાં લેવામાં આવ્યું હતું. પરીક્ષાનુ પરિણામ ૧૦ જુનના દિવસે જાહેર કરવામાં આવશે. અત્રે નોંધનીય છે કે, દેશભરમાંથી ૧૯ આઈઆઈટીમાં ૧૭૦૦૦ બેઠકો રહેલી છે. જેથી પરીક્ષામાં ખુબ જ ઉંચ્ચ લેવલ સુધી મેરિટ બનશે તેવું માનવામાં આવે છે. આજે પરીક્ષા લેવામાં આવ્યા બાદ વિદ્યાર્થીઓમાં ખુબ જ ઉત્સકુત્તા દેખાઈ હતી. પેપરને લઈને વિદ્યાર્થીઓ વાતચીત કરતા પણ નજરે પડ્યા હતા. ૧૨ લાખથી વધુ વિદ્યાર્થીઓ એડવાન્સ માટે જે વિદ્યાર્થી ક્વોલિફાય થયા હતા તેમાંથી પણ ૬૫ હજાર જેટલા વિદ્યાર્થીઓ રસ દર્શાવ્યો ન હતો. અમદાવાદના સેન્ટરો પર પરીક્ષાનું આયોજન કરાયું હતું.

(9:31 pm IST)
  • લોકશાહી બચાવવા તમામ પક્ષોએ એકજુથ થવું જરૂરી :2019માં ભાજપને હરાવવા આમઆદમી પાર્ટી તમામ વિપક્ષ સાથે મળીને લડશે :આજે બંધારણ ખતરામાં છે અને તેને બચાવવું સમયની માંગ છે :આપના સાંસદ સંજયસિંહએ કહ્યું કે કુમારસ્વામીના શપથ સમારોહમાં આપ પાર્ટી જોડાશે access_time 1:38 am IST

  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST

  • રાજ્યની તમામ આરટીઓમાં પાકા લાઈસન્સ માટે સેન્સર વાળા ટ્રેક પર ડ્રાઈવિંગ ટેસ્ટની કામગીરી ફરી ખાનગી એજન્સીને સોંપવાની કવાયત શરૂ કરતું ગુજરાત RTO access_time 11:19 am IST