Gujarati News

Gujarati News

News of Wednesday, 21st April 2021

બનાસકાંઠા જિલ્લામાં ગેરકાયદેસર ખનનની પ્રવૃતિ કરનાર સામે તંત્રએ દંડનીય કાર્યવાહી હાથ ધરી 830.51કાખનો દંડ વસુલ્યો

મહેસાણા:પાટણ અને બનાસકાંઠા જિલ્લામાં બેરોકટોક ગેરકાયદેસર ખનનની પ્રવૃત્તિ આચરવામાં આવે છે. ખનીજ માફીયાઓ બેફામ રોયલ્ટીની ચોરી કરીને બિનઅધિકૃત ખનન કરી રહ્યા હોવા છતાં ખાણ ખનીજ વિભાગ દ્વારા ક્યારેક ખપ પુરતી કામગીરી કરી સંતોષ માનવામાં આવે છે. જેના લીધે આ વિસ્તારોમાં ખનીજ  માફીયાઓને છુટોદોર મળ્યો છે. અગાઉ વિજાપુર નજીક સાબરમતી નદીના પટમાં, વિસનગર, સતલાસણા તેમજ મહેસાણા હાઈવે ઉપર તપાસ ટીમ ઉપર હુમલાના કિસ્સા પણ બન્યા છે. ખનન માફીયાઓની વકરેલી દાદાગીને કારણે તંત્રએ કરેલી દંડનીય કાર્યવાહી સામે ૪૦ ટકાથી વધારે વસુલાત પણ થઈ શકેલ નથી. વિધાનસભામાં રજુ કરવામાં આવેલા આંકડાઓ પ્રમાણે છેલ્લા બે વર્ષના સમયગાળા દરમિયાન મહેસાણા જિલ્લામાં ગેરકાયદેસર ખનનના ૨૭૫ કિસ્સામાં રૃા. ૮૩૦.૫૧ લાખનો દંડ કરવામાં આવ્યો હતો. પરંતુ માત્ર રૃા ૪૪૫.૫૮ લાખની જ વસુલાત થઈ છે. બનાસકાંઠામાં ૭૫૦ કિસ્સામાં રૃા. ૨૩૫૧.૫૯  લાખનો દંડ સામે રૃા. ૯૬૨.૦૩ લાખ અને પાટણમાં ૩૨૩ કિસ્સામાં રૃા. ૬૧૨.૯૬ લાખના દંડ સામે રૃા ૫૧૮.૩૫ લાખની વસુલાત તંત્ર દ્વારા કરવામાં આવી છે. નોંધપાત્ર છે કે ખનીજ માફીયા દ્વારા દંડની રકમ નિયમિત સમયમાં ભરપાઈ ન કરતા હોવા છતાં કાયદાની જોગવાઈ મુજબ તેમની સામે કાર્યવાહી કરવામાં તંત્રની ઉદાસીનતા નજરે પડે છે.

(5:06 pm IST)
  • ઉત્તર ગુજરાતના કેટલાક ભાગોમાં બપોર બાદ તોફાની પવન સાથે વરસાદની સંભાવના : ગુજરાતના અનેક શહેરોમાં મહત્તમ તાપમાનમાં એકથી ત્રણ ડિગ્રીનો ઘટાડો નોંધાયો છેઃ ઉત્તર ગુજરાતના બનાસકાંઠા, પાટણ અને કચ્છના અમુક ભાગોમાં આજે બપોર બાદ તોફાની પવન અને ગાજવીજ સાથે વરસાદની સંભાવના છે access_time 4:07 pm IST

  • કોરોના રોગચાળાની બીજી લહેરની પકડમાં જીવલેણ વાયરસ ઘણા દેશોને પાયમાલ કરી રહ્યો છે. પરિણામેં વૈશ્વિક સ્તરે ચેપગ્રસ્ત લોકોની સંખ્યામાં વધારો થઈ રહ્યો છે. છેલ્લા 24 કલાકમાં વિશ્વમાં આઠ લાખથી વધુ નવા કોરોના ના કેસ મળી આવ્યા અને 14 હજારથી વધુ પીડિતો દુઃખદ મૃત્યુ પામ્યા છે. અમેરિકાની જોહન્સ હોપકિન્સ યુનિવર્સિટીના ડેટા અનુસાર બુધવારે સવારે કોરોના પીડિતોનો વૈશ્વિક આંકડો વધીને 14 કરોડ 26 લાખથી વધુ થઈ ગયો છે. access_time 1:37 am IST

  • દેશમાં કોરોનાએ હાહાકાર મચાવ્યો : તમામ રેકોર્ડ તોડ્યા : રાત્રે 12 વાગ્યા સુધીમાં કોરોનાના નવા સર્વાધિક 3.15.552 કેસ નોંધાયા : કુલ કેસની સંખ્યા 1.59.24.806 થઇ : એક્ટિવ કેસ 22.84.248 થયા : વધુ 1.79.407 દર્દીઓ સ્વસ્થ થતા કુલ 1,34,49,406 સ્વસ્થ થયા : વધુ 2101 લોકોના મોત સાથે કુલ મૃત્યુઆંક 1,84,672 થયો : દેશમાં સૌથી વધુ મહારાષ્ટ્રમાં નવા 67,468 નવા કેસ નોંધાયા access_time 1:39 am IST