Gujarati News

Gujarati News

News of Thursday, 21st March 2019

આણંદ નજીક બોરીયાવીમાં ભેદી સંજોગોમાં ઓવરબ્રિજ નીચેથી અજાણ્યા શખ્સની લાશ મળી આવી

આણંદ: નજીક આવેલા બોરીયાવી ગામના રેલવે ઓવરબ્રીજ નીચેથી ગઈકાલે રાત્રીના સુમારે એક અજાણ્યા યુવાનની લાશ મળી આવી હતી. આ અંગે આણંદ રૂરલ પોલીસે વર્ણનના આધારે તેના વાલીવારસોની શોધખોળ હાથ ધરી છે. 
પોલીસ સુત્રોના જણાવ્યા અનુસાર ગઈકાલે બોરીયાવી રેલવે ઓવરબ્રીજ નીચે પડી રહેલા એક અજાણ્યા ૩૫ થી ૪૦ વર્ષના યુવાનને ૧૦૮ એમ્બ્યુલન્સ વાન દ્વારા સારવાર માટે આણંદ નગરપાલિકા હોસ્પિટલમાં લઈ જતા હતા ત્યારે રસ્તામાં જ તેનું અવસાન થયું હતુ. અજાણ્યા યુવાને ગુજરાતીમાં જમણા હાથે પેઈન્ટર હંસરાજ તેમજ અંગ્રેજીમાં આર. એસ. લખાવ્યું છે. સફેદ-લીલા-વાદળી પટ્ટાવાળું આખી બાયનું શર્ટ તેમજ કાળા કલરનું પેન્ટ પહેર્યું છે. પ્રાથમિક તપાસમાં કોઈ અગમ્ય બીમારીના કારણે તેનું મોત થયાનું ખુલવા પામ્યું છે. 

(2:35 pm IST)
  • જામનગરમાં હોળીના કાર્યક્રમમાં ભાગ લેવા ગયેલા હાર્દિક સામે વિરોધઃ સ્ટેજ ઉપર પહોંચતાની સાથે જ મોદી-મોદીના નારા લાગ્યા access_time 6:52 pm IST

  • અમદાવાદમાં વાઘના ચામડા અને રિવોલ્વર સાથે એકની ધરપકડ : નવા વાડજમાંથી ક્રાઇમબ્રાંચે કરી ધરપકડઃ વન વિભાગને કરવામાં આવી જાણઃ વાઘનું ચામડુ લાવ્યો હોવાનું આવ્યું બહાર access_time 6:52 pm IST

  • બ્રાઝિલમાં પણ ભારે વરસાદથી તબાહી : બ્રાઝિલમાં ફસાયેલા ૩૦૦૦ લોકોના એરલીફટ કરાયાઃ પુરમાં તણાતા ૧૨ નાગરીકોના મોત નિયજયાઃ પબ્લીક ટ્રાન્સપોર્ટ, મોબાઇલ સેવા પણ બંધ થઇઃ બિમારી ન ફેલાય તે માટે તંત્રએ તૈયારી આરંભીઃ એક જ દિવસમાં સીઝનનો ૭૦ ટકા વરસાદ થયો access_time 6:53 pm IST