Gujarati News

Gujarati News

News of Monday, 22nd February 2021

બનાસકાંઠાના પાલનપુરમાં ઝડપાયુ 1.91 કરોડનું જબરૂ અનાજ કૌભાંડઃ ગોડાઉન મેનેજર સામે ફરિયાદ

પાલનપુર: બનાસકાંઠા જિલ્લાના મુખ્યમથક પાલનપુરના અનાજ ગોડાઉનમાં ગરીબ અને રાશન કાર્ડ ધારકોને આપવાની જગ્યાએ ખાનગી બજારમાં અનાજ વેચવાના કૌભાંડનો પર્દાફાશ થયો છે. ગોડાઉનના મેનેજર નાગજીભાઈ રોત અને તેમના પુત્ર કન્હૈયાલાલ રોત પર 1.91 કરોડ રૂપિયાના અનાજની ઉચાપત કરવાનું તપાસમાં સામે આવ્યું છે. આ મામલે જિલ્લા પૂરવઠા અધિકારી એસએસ ચાવડાએ ફરિયાદ દાખલ કરાવી છે.

આ અંગે પ્રાપ્ત વિગતો મુજબ, ગોડાઉનના મેનેજર નાગજી રોત અને તેમના પુત્ર કન્હૈયા પર ગોડાઉનના અનાજને બારોબાર સગેવગે કરવાનો આરોપ લાગ્યો હતો. વિભાગીય ટીમે તપાસ કરતાં આ આરોપ સાચા ઠર્યા હતા. જેમાં 50 કિલો વજનની 12,776 બોરી ઘઉ અને 2472 બોરી ચોખા ઓછા મળી આવ્યા હતા. જેની કિંમત 1.91 કરોડ રૂપિયા આંકવામાં આવી છે.

આ મામલે પૂરવઠા વિભાગે બે હજાર પેજનો રિપોર્ટ તૈયાર કરાવ્યો છે. જે અંતર્ગત ડેટા, જીપીએસ ટ્રેકર રિપોર્ટ, પંચનામું સહિત અલગ-અલગ કર્મચારીઓ અને શ્રમિકોના નિવેદન સામેલ છે. જો કે તપાસ દરમિયાન જ 15 દિવસ પહેલા જ ગોડાઉનમાં કામ કરી રહેલા જૂના મજૂરોનું ગ્રુપ પોતાના ગામે પરત ફર્યુ અને પછી નવા મજૂરોને કામ પર લેવામાં આવ્યા છે.

એવું મનાય છે કે, જૂના શ્રમિકો આ કૌભાંડના મોટા સાક્ષી હોવાથી તેમને પરત મોકલી દેવામાં આવ્યા છે. જેના કારણે હવે તપાસમાં અડચણ ઉભી થવાની આશંકા વ્યક્ત કરવામાં આવી રહી છે. વહીવટી તંત્રએ મજૂરોના કોન્ટ્રાક્ટરની શોધખોળ માટે ચક્ર ગતિમાન કર્યા છે.

કેવી રીતે આચરવામાં આવ્યું કૌભાંડ?

કેન્દ્ર સરકાર તરફથી મોકલવામાં આવતા અનાજનો જથ્થો ટ્રેન થકી પાલનપુર રેલવે સ્ટેશન પર પહોંચાડવામાં આવે છે. જ્યાંથી પાલનપુરના માનસરોવર સ્થિત FCIના ગોડાઉનમાં મજૂરોની મદદથી મોકલવામાં આવે છે. જે બાદ ટ્રક મારફતે અલગ-અલગ જગ્યા માટે રવાના કરવામાં આવે છે.

પહેલા લેબર કોન્ટ્રાક્ટર ડાયરી તૈયાર કરીને ઓનલાઈન ગેટ પાસ થકી નક્કી કરેલી જગ્યા પર મોકલે છે. એવું કહેવાય છે કે, આ ટ્રકોમાંથી કેટલીક બોરીઓ રસ્તામાં ઉતારીને ખાનગી વાહનો થકી અન્યત્ર મોકલવામાં આવતી હતી. જે બાદ તેનું પેકિંગ બદલીને તેને અન્ય બજારમાં વેચી દેવામાં આવતી હતી.

(5:54 pm IST)
  • ઉત્તર પ્રદેશ વિધાનસભાની ચૂંટણી પહેલા યોગી સરકારે બજેટનો પટારો ખોલ્યો : ફાયનાન્સ મિનિસ્ટર સુરેશ ખન્નાએ અત્યાર સુધીનું સૌથી મોટું 5,50,270 કરોડ રૂપિયાનું પેપરલેસ બજેટ ધારાસભામાં રજૂ કર્યું : અયોધ્યા નગરી માટે 140 કરોડ ,વેક્સીન માટે 50 કરોડ ,ખેડૂતોને મફત પાણી આપવા માટે 700 કરોડ ,તથા મહિલા શક્તિ કેન્દ્રોની સ્થાપના માટે 32 કરોડ રૂપિયાની ફાળવણી સાથે 2021-22 ની સાલનું બજેટ પેશ કરાયું access_time 1:54 pm IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 10,493 કેસ નોંધાયા :કુલ કેસની સંખ્યા 1,10,15,863 થઇ :એક્ટિવ કેસ 1,44,332 થયા: વધુ 13,230 દર્દીઓ સ્વસ્થ થતા કુલ 1,07,10,883 થયા :વધુ 76 લોકોના મોત સાથે કુલ મૃત્યુઆંક 1,56,498 થયા access_time 1:18 am IST

  • ઈશાંત ટેસ્ટની સદી ફટકારશે : આગામી ૨૪મીથી મોટેરા સ્ટેડિયમ ખાતે ડે એન્ડ નાઈટ ટેસ્ટનો પ્રારંભ થઈ રહ્યો છે ત્યારે ઈશાંત શર્મા પોતાના ટેસ્ટ કેરીયરનો ૧૦૦મો ટેસ્ટ રમનાર છે તેણે ૯૯ ટેસ્ટ મેચમાં ૩૦૨ વિકેટો ઝડપી છે. access_time 2:41 pm IST