Gujarati News

Gujarati News

News of Monday, 4th June 2018

કપડવંજ તાલુકાના સૂકી વઘાસમાં અનાજ દળતી વેળાએ મહિલાનું કરંટથી મોત

કપડવંજ: તાલુકાના સૂકી(વઘાસ)માં આજે સવારે મહિલા ઘરઘંટીમાં અનાજ દળતી હતી ત્યારે અચાનક વીજ કરંટ લાગતા ગૃહિણીનું મોત નીપજ્યું હતું.
પોલીસ સૂત્રોમાંથી મળેલ વિગત મુજબ કપડવંજ તાલુકાના વઘાસ નજીક આવેલ સૂકી ગામે રહેતા કૈલાસબેન અશોકભાઈ પટેલ આજે સવારે ચા-નાસ્તો કર્યા બાદ ઘરઘંટી ચાલુ કરી અનાજ દળતી હતી ત્યારે અચાનક ડાબા હાથની હથેળીમાં વીજ કરંટ લાગતા કૈલાસબેન બેભાન થઈ ઢળી પડ્યા હતા. જેની જાણ થતા પરિવારજનોએ દોડી આવી કૈલાસબેનને તુરંત જ ખાનગી વાહનમાં કાવટ લઈ ગયા હતા. ત્યાંથી ૧૦૮ એમ્બ્યુલન્સમાં સારવાર માટે બાયડ ખાનગી હોસ્પિટલમાં લઈ જતા ફરજ પરના તબીબે કૈલાસબેન (ઉંમર ૪૦ વર્ષ)ને મૃત જાહેર કર્યા હતા.
આ બનાવ અંગે નટવરભાઈ કાળીદાસ પટેલે જાણ કરતા કપડવંજ રૂરલ પોલીસે અકસ્માત મોતની નોંધ કરી છે.

(5:23 pm IST)
  • હવે પંજાબ નેશનલ બેંક અને ICICIના ગ્રાહકોને પણ લોન પર વધુ વ્યાજ ચૂકવવુ પડશે કેમ કે, એસબીઆઈ બાદ હવે પંજાબ નેશનલ બેંક અને આઈસીઆઈસીઆઈએ પણ પોતાના વ્યાજદરોમાં વધરો કરી દીધો છે. આઈસીઆઈસીઆઈએ 5 વર્ષ માટે પોતાના લેંડિંગ રેટને 10 બેઝિઝ પોઈન્ટ્સ વધારતા 8.70 ટકા કરવાનો નિર્ણય લીધો છે. જો કે લોન 3 મહિના માટે હશે તો વ્યાજદરમાં ફેર નહિ પડે. access_time 12:22 am IST

  • કાબુલઃ ધર્મગુરૂઓની શાંતિ સભામાં આત્મઘાતી હુમલોઃ ૮ના મોતઃ ર૦૦૦ લોકો ઉપસ્થિત હતા access_time 4:21 pm IST

  • મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,08 રૂપિયા અને ડીઝલનો ભાવ લિટરે 74,00 રૂપિયા થશે :રાજ્ય પ્રમાણે કરવેરા અલગ થશે:છેલ્લા છ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:23 am IST