Gujarati News

Gujarati News

News of Thursday, 20th September 2018

મોડાસામાં મામલતદાર કચેરી મુખ્ય જગ્યા પર લાવવા માટે લોકોની માંગ

મોડાસા:નગરમાં આઠ વર્ષ અગાઉ રૃ.૭ કરોડના અંદાજીત ખર્ચે અદ્યતન મામલતદાર કચેરીનું બાંધકામ કરાયું હતું. પરંતુ જિલ્લો અલગ જાહેર થતાં અને નગરની તમામ કચેરીઓ જિલ્લા સેવા સદન ખાતે ખસેડાતા છેલ્લા બે વર્ષથી તલાટી,મામલતદાર અને સીટી સર્વે કચેરીઓના કામ માટે પ્રજાને ભારે હાલાકી વર્તાઈ રહી છે.ત્યારે મોડાસા મામલતદાર કચેરી નગરના જુના બસ સ્ટેન્ડ પાછળ આવેલ તેની મૂળ જગાએ પરત લાવવા તંત્ર દ્વારા તજવીજ હાથ ધરાઈ હોવાનું સૂત્રો દ્વારા જણાવાયું હતું.

સરકારની યોજનાઓ પ્રજાના મહત્તમ લાભના હેતુથી બનાવવામાં આવે છે.પરંતુ નવરચિત અરવલ્લી જિલ્લાની રચના બાદ  મોડાસા નગર માં કાર્યરત અને માત્ર નગરજનો લક્ષી તલાટી કચેરી,સીટી સર્વે કચેરી અને તાલુકાના પ્રજાજનો માટેની મામલતદાર કચેરી નગરથી આશરે અઢી કીમી દૂર સબલપુર ગ્રામ પંચાયત હદ વિસ્તારમાં બંધાયેલ જિલ્લા સેવા સદન માં ખસેડાતાં જ ભારે વિરોધનો સૂર ઉઠયો હતો.

(5:02 pm IST)
  • શેરબજારમાં ચાલુ સપ્તાહે માઠીઅસર :ત્રણ દિવસમાં રોકાણકારોની અબજોની સંપત્તિ ઘટી :બુધવારે સેન્સેક્સ 169.45 પોઈન્ટ,જ્યારે નિફ્ટી 44.55 પોઈન્ટના ઘટાડા સાથે અનુક્રમે 37,121.22 અને 11,234.35 પર બંધ :આંકડા મુજબ સપ્તાહના ત્રણ દિવસોમાં રોકાણકારોની સંપત્તિમાં 3.62 લાખ કરોડનો ખાડો પડ્યો : સેન્સેક્સ લગભગ બે મહિનાના નિચલા સ્તરે : બીએસઈમાં લિસ્ટેડ કંપનીઓની સંપત્તિ શુક્રવારથી 3 લાખ 62 હજાર 357.15 કરોડ રૂપિયા ઘટી 1 કરોડ 52 લાખ 73 હજાર 265 કરોડ રૂપિયા રહીં access_time 1:04 am IST

  • રાષ્ટ્રીય અધ્યક્ષ અમિતભાઈ શાહ ૨૨મીએ અમદાવાદની મુલાકાતે access_time 3:18 pm IST

  • મુખ્યપ્રધાન વિજય રૂપાણીનુ પોરબંદરમા આગમન:ખારવા સમાજ દ્વારા આયોજીત રામદેવજી મહાપ્રભજીના પ્રાગટ્ય મહોત્સવમા ઉપસ્થિત:કાર્યક્રમમાં જનસભાને પણ સંબોધશે મુખ્યપ્રધાન, માછીમારો માટે 11 કરોડના કામોનું કરશે ખાતમહુર્ત access_time 10:53 pm IST