Gujarati News

Gujarati News

News of Thursday, 20th September 2018

ઓછો વરસાદ અને ગરમીનો પારો ઉંચો જતા વીજ માંગમાં એકાએક વધારોઃ રોજની ૧૭ હજાર મેગા વોટ!!

ખાનગી એકસચેન્‍જમાં પીકઅવર્સ દરમિયાન વીજળીના યુનિટ દીઠ રૂા.૧૪નો ભાવ

અમદાવાદ તા.૨૦: ગુજરાતમાં વીજળીની ડિમાન્‍ડ વધીને ૧૭૬૫૨ મેગાવોટની સપાટીએ પહોંચી ગઇ છે. વરસાદની અનિયમિતતા અને અપેક્ષા કરતાં ઓછા વરસાદ પડતાં ગુજરાતમાં વીજળીની ડિમાન્‍ડ વધી ગઇ છે. વરસાદી ખેતી પર નભતા ખેડૂતોએ પણ આ વરસે પાતાળ કુવાઓમાંથી પાણી ખેંચીને ખેતપેદાશોને પાણી પીવડાવવાની વ્‍યવસ્‍થા કરવી પડી રહી હોવાથી વીજળીની ડિમાન્‍ડ વધી હોવાનું સાધનો ઉમેરી રહયા છે.

ગુજરાત સરકારની વીજ કંપનીઓને ખેડૂતોને આઠ કલાકને બદલે ૧૦ કલાક માટે વીજ પુરવઠો આપવાની સુચના રાજય સરકારે આપી છે. ખેતીની ડિમાન્‍ડ વધવા ઉપરાંત અમદાવાદ , રાજકોટ સહિતના શહેરોમાં ગરમીનો પારો પણ ૩૬ ડિગ્રીની સપાટીને આંબી ગયો હોવાથી વીજળીની ડિમાન્‍ડ એકાએક વધી રહી છે. વીજળીની ડિમાન્‍ડ વધી જતાં ગુજરાત સરકારની કંપનીઓને ઇન્‍ડિયન એનર્જી એકસચેન્‍જમાંથી ૨૦૦૦થી ૨૫૦૦ મેગાવોટ વીજળી ખરીદવાની ફરજ પડી રહી છે. વીજળીની ખરીદીના સમયને આધારે તેની કિંમત તેમને ચુકવવાની ફરજ પડી રહી છે. અદાણી પાવર અને ટાટા પાવરે ગુજરાતને કરારના દરે વીજળીનો પુરવઠો આપવાનું ચાલુ કરી દીધું છે. તેઓ અનુક્રમે ૨૦૦૦ અને ૧૯૮૦ મેગાવોટ વીજળીનો પુરવઠો આપી રહયા છે. તેમ છતાંય ડિમાન્‍ડ વધુ હોવાથી ગુજરાત સરકારની વીજ કંપનીઓને ખાનગી સપ્‍લાયર્સ પાસેથી વીજળીની ખરીદી કરવાની ફરજ પડી રહી છે. સોૈર ઉર્જાથી પેદા થતી વીજળી અને પવન ઉર્જાથી પદા થતી વીજળીના સપ્‍લાયમાં પણ ઘટાડો થયો હોવાથી વધારાની વીજળી ખરીદવાની ફરજ પડી રહી છે.

ગુજરાત ઉર્જા વિકાસ નિગમ લિમિટેડ પાસે ગેસ આધારિત પાવર પ્‍લાન્‍ટ પાસેથી પણ વીજળી ખરીદવાનો વિકલ્‍પ છે. ગેસ આધારિત વીજળીની ખરીદી કરવા માટે બહુ જ ઊંચી કિંમત ચુકવવી પડે તેમ હોવાથી તેની પાસેથી જવલ્લે જ વીજખરીદી કરવામાં આવે છે. વીજળીની ડિમાન્‍ડ વધી જતાં ઇન્‍ડિયન એનર્જી એકસચેન્‍જમાં વીજળીના યુનિટદીઠ ભાવમાં જંગી ઉછાળો આવ્‍યો છે. હાજરના બજારમાંથી વીજળી ખરીદવા જનારાઓને નોન પીક અવર્સ દરમિયાન યુનિટદીઠ રૂા. ૬.૬૦ના ભાવે વીજળીનો સપ્‍લાય મળી રહયો છે. તેની સામે પીકઅવર્સમાં વીજળી યુનિટદીઠ રૂા. ૧૪.૦૮ના ભાવે મળી રહી છે.

 

(4:07 pm IST)
  • ગિરીમથક સાપુતારા ખાતે ગઈકાલે ધોધમાર વરસાદ : સાપુતારા ખાતે વરસાદ પડતા પ્રવાસીઓમાં ખુશીનો માહોલ : વરસાદના પગલે વાતાવરણમાં ઠંડક પ્રસરી access_time 12:26 pm IST

  • દીવ - દમણના કોંગી પ્રમુખ કેતન પટેલની મુંબઈમાં ધરપકડ : દમણ - દીવ કોંગ્રેસ પ્રમુખ કેતન પટેલની મુંબઈથી ધરપકડ : પોલીસ કેતન પટેલને આજે કોર્ટમાં રજૂ કરશે : તેના પર એક કંપનીના મેનેજર પાસે ખંડણી માંગવાનો આરોપ છે access_time 1:37 pm IST

  • કરાઈ પાસે સાબરમતી નદીમાં અમદાવાદના 10 યુવકો ડૂબ્યા : ગાંધીનગર નજીક કરાઈ પાસે સાબરમતી નદીમાં ગણેશ વિસર્જન વેળાએ અમદાવાદના ચાંદલોડીયા વિસ્તારના 10 યુવકો ડૂબ્યા : ફાયર બ્રિગેડ દ્વારા 7 યુવકોને બચાવી લેવાયા: બાકીના 3 યુવકોની શોધખોળ શરૂ કરાતા 1 યુવકની લાશ મળી: હજુ પણ 2 યુવકોની શોધખોળ ચાલુ access_time 1:02 am IST