Gujarati News

Gujarati News

News of Thursday, 20th September 2018

અમદાવાદમાં પાણીપુરી બનાવવા માટે વપરાતા બટાકા, રગડાનો મસાલો અને પાણીની ક્વોલિટી બિનઆરોગ્યપ્રદઃ ટમેટાનો સોસ પણ ખાવાલાયક ન હોવાનું ખુલ્યુ

અમદાવાદ: હવેથી રસ્તા પર ઉભેલી કોઈ પકોડીની લારી પર પાણીપુરીનો સ્વાદ માણવા જાઓ ત્યારે થોડા સાવધાન રહેજો. પકોડી કે પછી તેનો રગડો, મસાલો અને પાણી તમને જોવામાં ભલે ચોખ્ખા અને સ્વાદમાં ચટાકેદાર લાગે, પરંતુ જરુરી નથી કે તે ખાવાલાયક હોય.

થોડા સમય પહેલા જ કોર્પોરેશને પાણીપુરીઓ વાળા તવાઈ બોલાવી હતી. હવે અમદાવાદ મ્યુનિસિપલ કોર્પોરેશને મંગળવારે પાણીપુરીની લારીઓનું ચેકિંગ કર્યું હતું, જેમાં સડેલા બટાકા તેમજ ગંદા પાણીથી પાણીપુરી બનતી હોવાનું ધ્યાને આવ્યું હતું.

કોર્પોરેશનની ટીમે વસ્ત્રાપુર રેલવે ક્રોસિંગ તેમજ વેજલપુર વિસ્તારમાંથી પકોડીની લારીઓ પરથી સેમ્પલ લીધા હતા. આ ઉપરાંત, વસ્ત્રાપુર, બાપુનગર, જમાલપુર તેમજ અન્ય વિસ્તારોમાંથી 125 જેટલી પાણીપુરીની લારીઓ ચેકિંગ કરી સેમ્પલ લેવાયા હતા.

હેલ્થ ઓફિસર ભાવિન સોલંકીના જણાવ્યા અનુસાર, પકોડી બનાવવમાં વપરાતા બટાકા, રગડાનો મસાલો તેમજ પાણીની ક્વોલિટી ખરાબ હોવાનું આ ચેકિંગ દરમિયાન સામે આવ્યું હતું. એટલું જ નહીં, જે તેલમાં પાણીપુરી તળાય છે તે પણ બિનઆરોગ્યપ્રદ હોવાનું માલુમ પડ્યું હતું.

ઓગસ્ટ મહિનામાં પણ કોર્પોરેશનની ટીમે 1503 જેટલા સેમ્પલ લીધા હતા. જેમાં 76 મિસબ્રાન્ડેડ હતા, 60 સેમ્પલ સબસ્ટાન્ડર્ડ તેમજ 1 ખાવાલાયક નહોતું. સીજી રોડની દક્ષિણાયન રેસ્ટોરાંમાં અપાતો ટોમાટો સોસ ઉતરતી કક્ષાનો હોવાનું ચેકિંગમાં બહાર આવ્યું હતું.

(5:29 pm IST)
  • સુરત:કોસંબા પો.સ્ટે વિસ્તારમાં ઝડપાયો વિદેશી દારૂ:સુરત જીલ્લા LCBએ નેશનલ .હાઇવે ૮ ઉપર પીપોદરા વિસ્તારમાં ઝડપી પાડ્યો વિદેશી દારૂ: આઈશર ટેમ્પા ઉપર તાડપત્રી ઢાંકી સંતાડયો હતો દારૂ: ૪ લાખથી વધુનો વિદેશી બનાવટનો અલગ અલગ બ્રાન્ડ વિદેશી દારૂ તેમજ આઈશર ટેમ્પો કર્યો કબ્જે:પોલીસે ૧૧ લાખથી વધુનો મુદ્દામાલ કબ્જે કરી: ડ્રાઇવરને ભાગેડુ જાહેર કરી વધુ તપાસ હાથધરી. access_time 10:45 pm IST

  • સુરત:પાટીદાર સમાજના દિગ્ગજ ધીરુભાઈ ગજેરાનું કોંગ્રેસમાંથી રાજીનામુ:કોંગ્રેસ મોવડી મંડળથી નારાજ ગજેરાએ રાજીનામુન આપ્યું :હાલ ધીરુભાઈ ગજેરા કોંગ્રેસના પ્રદેશ ઉપાધ્યક્ષ : ભાજપના ધારાસભ્ય રહી ચૂક્યા છે ધીરુભાઈ ગજેરા :કોંગ્રેસમાંથી વિધાનસભા અને લોકસભાની ચૂંટણી લડ્યા હતાં access_time 9:53 pm IST

  • કરાઈ પાસે સાબરમતી નદીમાં અમદાવાદના 10 યુવકો ડૂબ્યા : ગાંધીનગર નજીક કરાઈ પાસે સાબરમતી નદીમાં ગણેશ વિસર્જન વેળાએ અમદાવાદના ચાંદલોડીયા વિસ્તારના 10 યુવકો ડૂબ્યા : ફાયર બ્રિગેડ દ્વારા 7 યુવકોને બચાવી લેવાયા: બાકીના 3 યુવકોની શોધખોળ શરૂ કરાતા 1 યુવકની લાશ મળી: હજુ પણ 2 યુવકોની શોધખોળ ચાલુ access_time 1:02 am IST