Gujarati News

Gujarati News

News of Tuesday, 20th August 2019

ભાજપના શાસનમાં મોટા ભ્રષ્ટ્રાચારના કારણે નિકોલ અને બોપલ જેવી દુર્ઘટના:કોંગ્રેસ નેતા મનીષ દોશીના પ્રહાર

બોપલીની ઘટનાનો ઢાંકપિછોડો કરવા પ્રયાસ ત્યાં નિકોલની ઘટના શરમજનક

અમદાવાદના નિકોલમાં સ્લેબ તૂટવાની ઘટના બનતા  કોંગ્રેસના નેતા મનીષ દોશીએ સરકાર પર આકરા પ્રહાર કર્યા છે મનીષ દોશીએ કહ્યું કે  ભાજપના શાસનમાં મોટો ભ્રષ્ટાચાર થઈ રહ્યો છે. જેને કારણે નિકોલ અને બોપલ જેવી દુર્ઘટના ઘટે છે.

  મનીષ દોશીએ વધુમાં કહ્યં કે હજુ બોપલની ઘટનાની તપાસ પૂર્ણ થઈ નથી અને સરકાર આ ઘટના અંગે ઢાંકપીછોડો કરી રહ્યાં છે. ત્યારે નિકોલની ઘટના ઘટી તે શરમજનક છે. તો ભાજપના પ્રદેશ અધ્યક્ષે આ ઘટના અંગે દુખ વ્યક્ત કરી જવાબદારો સામે યોગ્ય કાર્યવાહી થશે તેવી બાંહેધરી આપી છે.

   અમદાવાદના નિકોલમાં એસપી રિંગ રોડ નજીક મ્યુનિસિપલ પંપિગ સ્ટેશનની કન્સ્ટ્રકશન સાઈટ પર અંડર ગ્રાઉન્ડ પાણીની ટાંકીનો સ્લેબ ધરાસાયી થયો હતો. આ ઘટનામાં દબાયેલા 6 લોકોને ફાયર વિભાગે બહાર કાઢીને તાત્કાલીક સિવિલ હોસ્પિટલ ખસેડાયા હતા. આ ઘટના જ્યારે છત ભરાઇ રહી હતી ત્યારે બની હતી. છત ધરાશાયી થતા જ ફાયર વિભાગ અને 108 તેમજ પોલીસનો કાફલો ઘટના સ્થળે પહોંચી ગયો હતો. અને તાત્કાલીક બચાવની કામગીરી હાથ ધરી હતી. આ ઘટના બાદ આ કામકાજ જેને સોંપાયુ છે તે ભૂપતાણી એસોસિએટ સામે ફરિયાદ નોંધાય છે

(9:09 pm IST)
  • સુપ્રિમ કોર્ટે રામજન્મભૂમિ - બાબરી મસ્જિદ જમીન વિવાદના ૮મા દિવસની સુનાવણી દરમિયાન રામલલ્લાના વકીલે પૂરાતત્વ વિભાગના રિપોર્ટનો ઉલ્લેખ કરીને કહ્યું કે, અયોધ્યામાં મસ્જીદનું નિર્માણ કરવા માટે હિન્દુ મંદિર તોડી પડાયુ હતું : વરિષ્ઠ અધિવકતા સી.એસ.વૈદ્યનાથને કોર્ટમાં કહ્યું કે, પુરાતત્વ વિભાગના રિપોર્ટમાં મગર અને કાચબાની આકૃતિઓનો ઉલ્લેખ છે, જેનો મુસ્લિમ સંસ્કૃતિ સાથે કોઈ લેવા-દેવા નથી access_time 1:06 pm IST

  • એલઓસી પર પાક.ની નાપાક હરકતઃ ફાયરીંગ કરતાં ભારતીય જવાન શહીદઃ ભારતનો વળતો પ્રહાર access_time 3:56 pm IST

  • પટના મેયરના પુત્ર પર આંખ મારવાનો આરોપ ;મહિલા કોર્પોરેટર પીન્કીદેવીએ કહ્યું પહેલી વાર ઇગ્નોર કર્યો,હવે સહનશક્તિની હદ થઇ ગઈ :પટના નગરનિગમનો જૂથબંધી ચરમસીમાએ પહોંચી : અંદરો અંદરની લડાઈ હવે ખુલીને બહાર આવી :આરોપ પ્રત્યારોપણ બાદ મેયર સીતા સાહુના પુત્ર શિશિર પર લાગ્યો ગંભીર આરોપ access_time 1:22 am IST