Gujarati News

Gujarati News

News of Monday, 20th May 2019

રાજયની તમામ ર૬ બેઠકો પર ભાજપનો વિજય વાવટોઃ રૂપાણી

ર૦૧૪ થી ર૦૧૯ દરમ્યાન નરેન્દ્રભાઇની કામગીરીથી લોકોનો વિશ્વાસ વધુ વધ્યો છેઃ ઇમાનદારી, નિર્ણાયકતા, પાકિસ્તાનને જવાબ તથા દુનિયામાં ભારતનું નામ મોદીજીએ રોશન કર્યુ છેઃ મુખ્યમંત્રી

રાજકોટ તા. ર૦ :.. લોકસભા ચૂંટણીના અંતિમ તબકકાનું મતદાન પણ સંપન્ન થતાની સાથે જ વિવિધ સર્વે એજન્સીઓ ત્થા ન્યુઝ ચેનલો દ્વારા ઓપીનીયન પોલ જાહેર થતા તમામમાં ભાજપનો વિજય વાવટો લહેરાતો જોવા મળતા રાજયના મુખ્યમંત્રી વિજયભાઇ રૂપાણીએ મીડિયાને જણાવ્યું હતું કે દેશવાસીઓનો પ્રેમ, વિશ્વાસ અને ભરોસો વડાપ્રધાન નરેન્દ્રભાઇ મોદીમાં વધ્યો છે.

શ્રી રૂપાણીએ જણાવ્યું છે કે ગુજરાતની જનતાએ નરેન્દ્રભાઇ મોદીમાં મજબુત વિશ્વાસ મુકયાના તારણોથી સ્પષ્ટ થાય છે કે ગુજરાતવાસીઓમાં પોતાના નરેન્દ્રભાઇમાં પ્રેમ ભરોસો અને વિશ્વાસ વધ્યાની સાથે ર૦૧૪ થી ર૦૧૯ દરમ્યાન ગરીબો, મધ્યમ વર્ગના લોકો માટે મોદી સરકારે અને ગુજરાત સરકારે અમલમાં મુકેલ અનેકવિધ યોજનાથી લોકોનો ભરોસો વધ્યો છે.

તેમના જણાવ્યા મુજબ લોકસભા ચૂંટણીમાં મુખ્યમુદો એ રહ્યો કે દેશ કોના હાથમાં સલામત છે. દેશના વડાપ્રધાન કેવા હોવા જોઇએ.

મુખ્યમંત્રીના જણાવ્યા મુજબ દેશમાં ઇમાનદાર, પ્રમાણીક અને નિર્ણાયક વડાપ્રધાન તરીકે નરેન્દ્રભાઇ મોદીને દેશવાસીઓએ સ્વિકાર્યા છે.

પાકિસ્તાન જેવા દેશને કેવો જવાબ આપવો જોઇએ. અને કોણ જવાબ આપી શકે તે ર૩ મીના પરિણામો સ્પષ્ટ કરી દેશે.

મુખ્યમંત્રી રૂપાણીના જણાવ્યા મુજબ નરેન્દ્રભાઇ મોદીએ દુનિયાભરમાં પાકિસ્તાનને ખુલ્લુ પાડયુ છે અને ભારતનું નામ દુનિયાભરમાં રોશન કર્યુ છે.

તેમના જણાવ્યા મુજબ ગુજરાતમાં તમામ ર૬ લોકસભા બેઠક પર ભાજપનો વિજય વાવટો લહેરાશે.

(11:40 am IST)
  • અમદાવાદના પીએસઆઇ દેવેન્દ્રસિંહ રાઠોડના આપઘાતનો મામલોઃ ૧૫ દિવસમાં ન્યાય ન મળે આપઘાતની ચીમકી : પીએસઆઇના પત્નિ ડીમ્પલ રાઠોડ સચિવાલયમાં ગૃહ રાજયપ્રધાનને ન્યાય માટે રજુઆત માટે પહોંચ્યાઃ અગાઉ આત્મવિલોપનની ચીમકી ને લઇને સચિવાલય બહાર સઘન બંદોબસ્તઃ ગૃહ પ્રધાન પ્રદિપસિંહ જાડેજાને આવેદન પત્ર આપ્યું: ડીવાયએસપીને ધરપકડ કેમ નહિ : ડીમ્પલ રાઠોડ access_time 4:29 pm IST

  • ઋષિકપુરને મળવા ન્યુયોર્ક પહોંચ્યા બિઝનેસમેન મુકેશ અંબાણી અને નીતા અંબાણી:ન્યુયોર્કમાં ઈલાજ કરવા ઋષિ કપૂરની ટ્રીટમેન્ટમાં તેમના પત્ની નીતૂ કપૂર તેમનો સાથ આપી રહ્યા છે. ઋષિકપુરે ટ્વીટર પર મુકેશ અંબાણી અને નીતા અંબાણી સાથેનો ફોટો શેર કર્યો હતો. અને લખ્યુ હતુ કે, ધન્યવાદ તમારા પ્રેમ માટે access_time 1:35 am IST

  • ક્રુડ ઓઈલનો ખજાનો શોધવા નીકળેલ પાકિસ્તાનને ફટકો :700 કરોડ ખર્ચા બાદ મળ્યો ‘ઠેંગો’: પાકિસ્તાનને હેવ અરબ સાગરમાંથી ક્રુડ ઓઇલ ના મળવાથી વધુ એક ફટકો પડ્યો: કરાચી કોસ્ટ પાસે અરબ સાગરમાં ગેસ ભંડાર મળવાની ધારણાએ મોટા પાયે ખોદકામ કર્યું :કુવા ખોદ્યા તેમાંથી કોઇ ખનિજ ઈધણ હાંસલ થયું નથી. access_time 12:42 am IST