News of Friday, 20th April 2018

ધો.૧૨નું ૨૦ મે આસપાસ પરીણામઃ ગુજરાત યુનિવર્સિટી દ્વારા ૧લી મેથી પ્રવેશ પ્રક્રિયાનો પ્રારંભ કરાશે

અમદાવાદઃ ગુજરાત યુનિવર્સિટી દ્વારા આગામી શૈક્ષણિક વર્ષ માટે પહેલી મેથી પ્રવેશ પ્રક્રિયા હાથ ધરવાની જાહેરાત કરવામાં આવી છે. ધોરણ 12ના પરિણામ બાદ યુનિવર્સિટીમાં નવા શૈક્ષણિક વર્ષનો પ્રારંભ થવાનો છે. યુનિવર્સિટીના સત્તાધિશોનું માનીએ તો ધોરણ બારનું પરિણામ 20મી મેના આસપાસ જાહેર થશે.. જે બાદ પ્રવેશ પ્રક્રિયા શરૂ કરવામાં આવશે. 

ચાલુ વર્ષે પહેલી મેથી માહીતી પુસ્તિકાનું વિતરણ કરવામાં આવશે. વિદ્યાર્થીઓને ફી ભરવા માટે પણ વિકલ્પો આપવામાં આવ્યા છે. વિદ્યાર્થીઓ કોલેજમાં ફી ભરવાના બદલે હવે ઓનલાઈન ફી ભરી શકશે.. દર વર્ષે યુનિવર્સિટી ખાતે સમગ્ર પ્રક્રિયા હાથ ધરવામાં આવતી હતી. પરંતુ આ વર્ષે કોલેજોમાં પણ નોડલ સેન્ટરને કાર્યરત કરવામાં આવ્યા છે.

(6:30 pm IST)
  • આખરે દેશનાં ચીફ જસ્ટીસ દીપક મિશ્રા સામે કોંગેસે અને વિપક્ષોએ લગાવ્યો હોદાનો દુરુપયોગ સહિત ૫ આરોપ : રાજ્યસભા અધ્ય્ક્ષને મોકલ્યો સુપ્રીમ કોર્ટ ચીફ જસ્ટીસ દીપક મિશ્રા સામે મહાઅભિયોગનો પ્રસ્તાવ : ૬૪ સાંસદોએ પ્રસ્તાવ પર કર્યા છે હસ્તાક્ષર : કોંગ્રેસ નેતા કપિલ સિબ્બલે પ્રેસ કોન્ફરન્સમાં કહ્યું "અમે દેશને અને સંવિધાનને બચાવવા ભારે હ્રદયે આ પગલું ભર્યું છે." access_time 1:31 pm IST

  • આ એક ઈલેક્ટ્રોનિક કાર છે જેનુ નામ MISS R છે. આપને જાણીને નવાઈ લાગશે પણ આ કાર માત્ર 1.8 સેકન્ડમાં 0થી 100 કિમી પ્રતિ કલાકની સ્પીડ પકડી લે છે. જેના લીધે તેને દુનિયાની સૌથી ફાટેસ્ટ કારનું બિરુદ મળી ગયુ છે. કારમાં 1 મેગાવોટ મતબલ 1341 હોર્સ પાવરની બેટરી પેક છે. તેમજ આ બેટરી અન્ય બેટરીની તુલનામાં 50 ટકા હલકી છે. કારની કિંમત 6.5 કરોડ રાખવામાં આવી છે. access_time 1:15 am IST

  • સુપ્રીમ કોર્ટે ગુરુવારે કહ્યું કે, તે એ વાતને લઈને આશ્વસ્ત નથી કે આધાર દ્વારા લોકો અને અધિકારીઓને સામ-સામે લાવવું સર્વશ્રેષ્ઠ મોડલ છે, તેના બદલે સરકારે કલ્યાણકારી યોજનાઓના ફાયદા પહોંચાડવા માટે તેમના સુધી પહોંચવું જોઈએ. ચીફ જસ્ટિસ ઓફ ઈન્ડિયા દીપક મિશ્રાની અધ્યક્ષતાવાળી પાંચ જજોની બંધારણીય પીઠ આધાર અને તેના કાયદાને પડકારતી અપીલો પર સુનાવણી કરી રહી છે. access_time 1:49 am IST