Gujarati News

અમદાવાદ તા. ૨૦ : ગુજરાતમાં દારૂબંધીનો કડક અમલ કરાવવાની જવાબદારી જેના પર છે એ પોલીસ જ બુટલેગર પાસેથી પાંચ લાખની લાંચ લેતા રંગે હાથ ઝડપાઇ જતા પોલીસ બેડામાં ચકચાર મચી ગઇ છે.

તાપી એલસીબીના પીએસઆઇ એસ.એસ.મહામુલકરે દારૂના ગુનામાં ઝડપાયેલા વોન્ટેડ આરોપીનું નામ ગુનામાંથી કાઢી નાંખવા પાંચ લાખની લાંચ માંગી હતી. આ મામલે તાપી એસીબીને ફરિયાદ થતાં એસીબીએ છટકું ગોઠવી પીએસઆઇ મહામુલકરને રંગેહાથ ઝડપી લીધો હતો. પોલીસ બેડામાં ભારે ચર્ચા છે.