Gujarati News

(કાર્તિક બાવીશી દ્વારા )વલસાડ જિલ્લાકક્ષાના ૭૩મા પ્રજાસત્તાક પર્વની ઉજવણી આર.પી.એફ. ગ્રાઉન્‍ડ, ધરમપુર રોડ વલસાડ ખાતે કરવામાં આવશે. આ ઉજવણીના આયોજન અંગે જિલ્લા કલેકટર ક્ષિપ્રા આગ્રેના અધ્‍યક્ષસ્‍થાને કલેકટર કચેરીના સભાખંડ ખાતે બેઠક મળી હતી.
બેઠકને સંબોધતા જિલ્લા કલેક્‍ટરે જણાવ્‍યું હતું કે, કોરોના મહામારીને ધ્‍યાને લઇ આ ઉજવણીનો કાર્યક્રમ ધ્‍વજવંદન, પોલીસ બેન્‍ડ સાથે રાષ્‍ટ્રગીત તેમજ મંત્રીના ઉદબોધન સાથે પૂર્ણ કરાશે. આ ઉજવણીના ઉપલક્ષમાં સંબંધિત અમલીકરણ અધિકારીઓને સોંપવામાં આવેલી જવાબદારી નિભાવવા તેમજ કોરોના મહામારીને ધ્‍યાને લઇ સરકારની માર્ગદર્શિકાનું પાલન થાય તેની તકેદારી રાખવા પણ જણાવ્‍યું હતું. આ બેઠકમાં જિલ્લા વિકાસ અધિકારી મનીષ ગુરવાની સહિત સંબંધિત અમલીકરણ અધિકારીઓ ઉપસ્‍થિત રહયા હતા.