Gujarati News

Gujarati News

News of Wednesday, 20th January 2021

મહેસાણા જિલ્લાના ડાભલા ચાર રસ્‍તા પાસે પુરપાટ દોડતી ઇકો કાર હડફેટે 2 શ્રમિક મહિલાના મોત

વિજાપુર: બેફામ ડ્રાઈવિંગના કારણે અનેક વખત અકસ્માતો સર્જાય છે, જેમાં નિર્દોષ લોકોને પોતાનો જીવ ગુમાવવાનો વારો આવે છે. આવો જ એક અકસ્માતનો કિસ્સો મહેસાણા જિલ્લાના ડાભલા ચાર રસ્તા પર સામે આવ્યો છે. જેમાં પુરપાટ ઝડપે આવી રહેલી ઈકો કારની અડફેટે મજૂરી કરવા જઈ રહેલી બે મહિલાના મોત નીપજ્યા છે.

આ અંગે પ્રાપ્ત વિગતો મુજબ, જિલ્લાના વસઈમાં રહેતી બે મહિલાઓ મજૂરી અર્થે ડાભલા ચાર રસ્તા આગળથી પસાર થઈ રહી હતી. આ દરમિયાન સામેથી પુરપાટ ઝડપે આવી રહેલી ઈકો કારના ચાલકે તેમને અડફેટમાં લેતા બન્ને મહિલાઓ રોડ પર પટકાઈ હતી. આ અકસ્માતમાં બન્ને મહિલાઓને માથામાં ગંભીર ઈજાઓ થતાં તેમનું ઘટના સ્થળે જ મોત નીપજ્યું હતું.

આ અકસ્માતમાં મૃતકોની ઓળખ હંસાબેન પરમાર (55) અને ખેમીબેન પરમાર (60) તરીકે થઈ હતી. આ ઘટનાની જાણ થતાં હાઈવે પર ગ્રામજનોના ટોળા ઉમટ્યા હતા અને પોલીસ અને 108 એમ્બ્યુલન્સને જાણ કરી હતી. જે બાદ બન્નેના મૃતદેહને પોસ્ટમોર્ટમ અર્થે વિજાપુર હોસ્પિટલ ખાતે ખસેડવામાં આવ્યા હતા.

(5:29 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST

  • જીવતા નહીં તો મરીને પણ સરકાર વાત સાંભળશે, આંદોલનમાં સામેલ વધુ એક ખેડૂતનો ઝેર પીને આપઘાત access_time 4:14 pm IST

  • મમતા બેનરજીએ નેતાજી બોઝની જન્મજયંતિને દેશનાયક દિવસ તરીકે ઉજવવાની ઘોષણા કરી: મોદી સરકારે નેતાજી બોઝની જન્મજયંતિને પરાક્રમ દિવસ તરીકે ઉજવવાનું નક્કી કર્યું : મોદી સરકારના નિર્ણયને મમતા બેનર્જીએ રાજનીતિ પ્રેરિત ગણાવ્યો access_time 12:55 am IST