Gujarati News

Gujarati News

News of Wednesday, 20th January 2021

૨૫ લાખની લાંચમાં ધોળકા મામલતાદાર ડામોર ઝડપાતા ખળભળાટ

એસીબી વડા કેશવ કુમારના માર્ગદર્શનમાં મદદનીશ નિયામક જી.વી.પઢેરિયા તથા પીઆઈ કે.વાય.વ્યાસની ટીમ મામલતદાર કચેરી પર ત્રાટકીઃ કુલ બે સકંજામાં : છત્રફળ સુધારણા અને ખેડૂત તરીકે કાયમી કરવાની ફરિયાદીની અરજી સંદર્ભે વચેટિયા મારફત લાંચ માંગવાના આરોપસર સપાટો

રાજકોટ, તા.૨૦: ખેતીની જમીનના હેતુ ફેર તથા ખેડૂત તરીકે કાયમી કરવાની અરજીનો નિકાલ કરવાના આરોપસર રૂપિયા ૨૫ લાખની લાંચના છટકામાં ધોળકાના મામલતદાર હાર્દિકભાઈ મોતીભાઈ ડામોર તથા જગદીશભાઈ પરમાર નામની ખાનગી વ્યકિત એસીબી દ્વારા છટકું ગોઠવી ઝડપી લેવાયા નું એસીબી સૂત્રો જણાવે છે.                     

એસીબી સૂત્રો વિશેષમાં જણાવે છે કે એક જાગૃત ફરિયાદી દ્વારા બદરખાની સીમમાં આવેલ જમીનના ક્ષેત્ર ફળ સુધારણા તથા ખેડૂત માંથી બીન ખેડૂત કરેલ જે ફરી ખેડૂત કરવા બાબતની અરજી મામલતદાર ધોળકાને આપેલ.                                  

એસીબી પાસે ફરિયાદી દ્વારા આ મામલે રૂપિયા ૨૫ લાખ જેવી રકમ ની માંગણી થયાની હકીકત રજૂ કરતાં એસીબી દ્વારા તુરત આ બાબતે એસીબી વડાં કેશવ કુમારના ધ્યાને આ વિગતો મૂકતા કોઈ સંજોગોમાં આરોપીઓ છટકે નહિ તેવી સૂચના અને માર્ગદર્શન આપેલ.              . 

એસીબીના ફિલ્ડ- ૧ના મદદનીશ નિયામક જી.વી.પઢેરિયા તથા અમદાવાદ ફિલ્ડ ૨ ના પીઆઇ કે.વાય.વ્યાસે મામલતદાર કચેરી પર ત્રાટકી આરોપી મામલતદાર પાસેથી ૨૦  લાખ તથા ખાનગી વ્યકિત જગદીશભાઈ પરમાર પાસેથી ૫ લાખ મળી કુલ- ૨૫ લાખ કબ્જે કરતા ખળભળાટ મચી ગયો છે.

(12:55 pm IST)
  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST

  • આઇપીએલમાં હરભજન ચેન્નાઇ તરફથી રમતો જોવા નહિ મળે : ભજજીએ ટવીટ કરી જાણકારી આપી કે ચેન્નાઇ સાથે મારો કરાર પૂર્ણ થઇ ગયો છે. આ ટીમ માટે રમવુ એક સુખદ અનુભવ હતો. હું એ યાદગાર પણ હમેંશા યાદ રાખીશ ચેન્નાઇ સુપર કીંગ્સનું મેનેજમેન્ટ સ્ટાફ અને ફેન્સનો આભાર access_time 4:03 pm IST

  • ભારતે મોકલેલ વેક્સીનનો જથ્થો ભૂટાનમાં આવી પહોંચ્યો access_time 5:09 pm IST