Gujarati News

Gujarati News

News of Wednesday, 20th January 2021

રાજપીપળા સબ જેલ પાસેનું બસ સ્ટેન્ડ ફરી શરૂ કરાવવા સ્થાનિકો વેપારીઓની કલેક્ટરને રજુઆત

રજવાડા સ્ટેટ સમયનું આ બસ સ્ટેન્ડ ચારેક મહિનાથી બસ સ્ટેન્ડ બંધ કરી દેતા સ્થાનિક વેપારીઓ અને મુસાફરોને ભારે તકલીફ

(ભરત શાહ દ્વારા) રાજપીપળા : રાજપીપળા શહેરના મુખ્ય માર્ગ ઉપર આવેલા સબજેલ પાસેનું બસ સ્ટેન્ડ ચારેક મહિનાથી બંધ થતાં આવતા જતા મુસાફરોને ભારે મુશ્કેલી પડે છે માટે આ સ્ટેન્ડ ફરી ચાલુ કરાય તેવી સ્થાનિક વેપારીઓએ કલેક્ટરને લેખિત રજુઆત કરી છે.
           આ રજુઆતમાં સ્થાનિક વેપારી વિજયભાઈ રામી, અરુણભાઈ પાદરીયા સહીતનાઓએ જણાવ્યું છે કે રાજપીપળા સબજેલ પાસે રજવાડા સ્ટેટ સમયનું બસ સ્ટેન્ડ હતું ત્યાંથી આખા દિવસ દરમિયાન ઘણી બસોની અવર જવર હતી જેથી શહેરના મધ્યમાં આવેલું આ સ્ટેન્ડ મુસાફરો માટે આશીર્વાદ સમાન હતું પરંતુ ચારેક મહિનાથી આ બસ સ્ટેન્ડ બંધ કરી દેતા રાજપીપળા બજારમાંથી સામાન લઈ જતા ગ્રામ્ય વિસ્તારના મુસાફરોને રીક્ષાનું ભાડું બગાડી એસટી ડેપો કે કાળા ઘોડા સ્ટેન્ડ ઉપર જવું પડતું હોવાથી ખાસ ઉંમરલાયક વ્યક્તિઓ કે મહિલાઓ ને તકલીફ પડે છે.મુખ્ય માર્ગ ઉપર ઉભી રહેતી લારીઓ ના કારણે પણ ટ્રાફિક સમસ્યા રહેતી હોય જે પોલીસ દૂર કરે જ છે.જ્યારે અગત્યની બાબત તો એ છે કે લોકડાઉનના કારણે લોકોના ધંધા રોજગારમાં ભારે મંદી હોય ઉપરથી આ ગામનું એકમાત્ર બસ સ્ટેન્ડ બંધ કરાતા સ્થાનિક વેપકરીઓના ધંધા પણ ભાંગી પડ્યા છે માટે એસટી ડેપોથી નીકળતી બસો અગાઉની જેમ સ્ટેશન રોડ પરથી પસાર થાય તેમ ઘટતું કરવા કલેક્ટર સહિત ડેપો મેનેજરને વેપારીઓ દ્વારા લેખિત રજુઆત કરવામાં આવી છે.

(10:21 pm IST)
  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,183 કેસ નોંધાયા :કુલ કેસની સંખ્યા 1,06,10,632 થઇ :એક્ટિવ કેસ 1,90,498 થયા: વધુ 17,751 દર્દીઓ સ્વસ્થ થતા કુલ 1,02,62,843 થયા :વધુ 132 લોકોના મોત સાથે કુલ મૃત્યુઆંક 1,52,886 થયા access_time 1:13 am IST

  • પશ્ચિમ બંગાળના શાંતીપૂર્ણ ધારાસભ્ય અરીન્દમ ભટ્ટાચાર્ય ભાજપમાં દાખલ થઈ ગયા : તેમણે કહ્નાં કે પશ્ચિમ બંગાળના યુવાનોનુ અત્યારે કોઈ ભવિષ્ય નથી અને અત્યારે તેમની પાસે કોઈ કામ નથી access_time 5:42 pm IST

  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST