Gujarati News

Gujarati News

News of Tuesday, 19th November 2019

મહેમદાવાદના સિહુંજમાં કારની હડફેટે રસ્તો ઓળંગતી રાહદારી મહિલાનું કમકમાટીભર્યું મૃત્યુ: કાર ચાલક વિરુદ્ધ ગુનો દાખલ

મહેમદાવાદ: તાલુકાના સિંહુજ ગામમાં સુંઢા વણસોલ રોડ પર આવેલ કડવાસર વિસ્તારમાં એક ખેતરમાં રહેતાં સાબાબેન શીવાભાઈ ડાભી (ઉં.વ ૬૫) આજરોજ વહેલી સવારના સમયે ઘરેથી રોડ ક્રોસ કરી સામેની સાઈડે કુદરતી હાજતે જવા જવા ચાલતાં જઈ રહ્યાં હતાં. તે વખતે માર્ગ zપરથી પુરપાટ ઝડપે પસાર થતી એક રજિસ્ટ્રેશન નંબર વગરની નવી સ્વીફ્ટ ગાડીના ચાલકે સાબાબેન ડાભીને અડફેટે લીધાં હતાં. જેમાં ગાડીનું વ્હીલ સાબાબેનના પેટના ભાગ પરથી ફરી વળતાં ગંભીર ઈજાઓ કારણે તેમનું ઘટનાસ્થળેજ મોત નિપજ્યું હતું. અકસ્માત બાદ ગાડીનો ચાલક પોતાની ગાડી ઘટનાસ્થળે મૂકી ભાગી ગયો હતો. આ અકસ્માત સર્જનાર ગાડીનો ચાલક હસમુખભાઈ ડાહ્યાભાઈ પટેલ (રહે.હરીપુરા, સુંઢાવણસોલ, તા.મહેમદાવાદ) હોવાનું નજરે જોનાર લોકો તરફથી જાણવા મળ્યું હતું.

આ બનાવ અંગે શનાભાઈ શીવાભાઈ ડાભીની ફરિયાદને આધારે મહેમદાવાદ પોલીસે સ્વીફ્ટ ગાડીના ચાલક હસમુખભાઈ ડાહ્યાભાઈ પટેલ સામે ગુનો નોંધી કાયદેસરની કાર્યવાહી હાથ ધરી છે.

(5:46 pm IST)
  • અખિલેશ સાથે હાથ મિલાવવા તૈયાર : શિવપાલ : ૨૦૨૨માં અખિલેશ યાદવની સાથે ચુંટણી લડવા તૈયારઃ અખિલેશ બનશે મુખ્યમંત્રી : સમાજવાદી પક્ષના ગઢ ઇટાવામાં શિવપાલ યાદવે મોટું નિવેદન આપ્યું છે. પ્રગતિશીલ સમાજવાદી પક્ષ બનાવનાર શિવપાલ યાદવે કહ્યું કે તેઓ સપા સાથે ગઠબંધન કરવા ઇચ્છે છે અને તેઓ પરિવારમાં એકતા સ્થાપવા ઇચ્છે છે.( access_time 3:56 pm IST

  • રિલાયન્સ જીઓએ આજે જાહેર કર્યું છે કે આગામી થોડા અઠવાડિયામાં જ મોબાઈલ ફોનના દરોમાં વધારો કરશે access_time 9:59 pm IST

  • રાજસ્થાનની શહેરી સ્થાનિક સ્વરાજયની ચૂંટણીઓમાં અત્યાર સુધીમાં કોંગ્રેસે ૯૬૧ બેઠકો જીતી પ્રચંડ વિજય મેળવ્યો છે. ભાજપ બીજા નંબરે ૭૩૭ વોર્ડોમાં જીતી છે .ચૂંટણી પંચે મોડી સાંજે જાહેર કર્યું છે. access_time 6:45 pm IST