Gujarati News

Gujarati News

News of Tuesday, 19th November 2019

સુરતના ખટોદરામાં કોમ્પ્લેક્ષમાં તસ્કરોનો તરખાટ: ત્રણ ઓફિસના તાળા તોડી 1.34 લાખની મતાની ઉઠાંતરી

સુરત: શહેરના ખટોદરાના લેક ગાર્ડન નજીક વેલેન્ટીનો કોમ્પ્લેક્ષમાં ગત રાત્રે ત્રાટકેલા તસ્કરો એક પછી એક ત્રણ ઓફિસના તાળા તોડી ચાર લેપટોપ અને રોકડ મત્તા મળી કુલ રૂા. 1.34 લાખથી વધુની મત્તા ચોરીને ભાગી ગયા હતા. પોલીસે સીસીટીવીના ફુટેજ મેળવી તસ્કરોનું પગેરૂ મેળવવાની કવાયત હાથ ધરી છે.

શહેરમાં સક્રિય થયેલી તસ્કર ટોળકી ગત રાત્રે ખટોદરાના લેક ગાર્ડન નજીકના વેલેન્ટીનો કોમ્પ્લેક્ષમાં ત્રાટકી હતી. તસ્કરોએ કોમ્પ્લેક્ષના ઓફિસ નંબર 222 ના શટરનું તાળુ તોડી અંદર પ્રવેશી એસેર અને કોમ્પેક કંપનીના બે લેપટોપ અને રોકડા રૂા. 8 હજાર મળી રૂા. 70,900 ની મત્તા, દુકાન નંબર 222ની ગ્રીલનું તાળુ તોડી નિખીલકુમાર હરિશકુમાર જરીવાલાની ઓફિસમાંથી ડેલ કંપનીનું લેપટોપ કિંમત રૂા. 26 હજાર અને દુકાન નંબર 223 ની પણ ગ્રીલ તોડી મયુરભાઇ ભરતભાઇ વાદીની ઓફિસમાંથી ડેલ કંપનીનું લેપટોપ કિંમત રૂા. 29,500 ની મત્તાનું મળી કુલ રૂા. 1.34 લાખથી વધુની મત્તા ચોરી ગયા હતા. 

(5:44 pm IST)
  • નેપાળ ધણધણી ઉઠ્યું : 7,9ની તીવ્રતાનો ભૂકંપ : દિલ્હી-એનસીઆર અને લખનૌ સહીત ઉત્તર ભારતમાં આંચકા અનુભવાયા access_time 8:06 pm IST

  • રિલાયન્સ જીઓએ આજે જાહેર કર્યું છે કે આગામી થોડા અઠવાડિયામાં જ મોબાઈલ ફોનના દરોમાં વધારો કરશે access_time 9:59 pm IST

  • કાલથી શરૂ થનાર BSNL કર્મચારીઓની ૩ દિ'ની ભૂખ હડતાલ હાલ પૂરતી મૂલત્વી : આવતીકાલથી રાજકોટ સહિત દેશભરમાં BSNL કર્મચારીઓની ભૂખ હડતાલ આજે બપોરે રાા વાગ્યે સ્થગીત કરી દેવાઇ છે : યુનિયનો વચ્ચે હાલ હડતાલ અંગે એકમત નહીં થતાં લેવાયેલો નિર્ણય ઓકટોબરનો પગાર ર૮ નવેમ્બરે અપાશેઃ ગઇકાલે થયેલ વાટાઘાટો પણ નિષ્ફળ access_time 4:08 pm IST