Gujarati News

Gujarati News

News of Thursday, 19th July 2018

અંબાજીમાંય ત્રણ ઇંચથી વધુ વરસાદ ખાબકી ગયો

બેચરાજીમાં બે ઇંચથી વધુ વરસાદ

         અમદાવાદ,તા. ૧૯ : ગુજરાતમાં જુદા જુદા ભાગોમાં ભારે વરસાદ જારી રહ્યો છે. આજે સુપ્રસિધ્ધ યાત્રાધામ અંબાજીમાં એટલી હદે ધોધમાર અને તોફાની વરસાદ વરસ્યો હતો કે, રસ્તાઓ જાણે નદીઓ બન્યા હતા અને રસ્તાઓ પર વરસાદના પાણી ધસમસતા પ્રવાહ સાથે વહેતા હતા, જેમાં સ્થાનિક વેપારીઓ-ફેરિયાઓની લારીઓ અને કેટલીક મહિલાઓ પણ તણાઇ હતી. જો કે, મહિલાઓને સ્થાનિક લોકોએ પાણીમાં તણાતાં પકડીને બચાવી લીધી હતી. સુપ્રસિધ્ધ યાત્રાધામ અંબાજીમાં એક કલાકમાં જ ત્રણ ઇંચ જેટલો ધોધમાર વરસાદ વરસતાં સર્વત્ર જળબંબાકારની સ્થિતિ સર્જાઇ હતી.  ભારે વરસાદના કારણે નીચાણવાળા વિસ્તારોમાં પાણી ભરાઇ ગયા હતા. ખાસ કરીને વાહનચાલકોને ભારે હાલાકીનો સામનો કરવો પડયો હતો. અંબાજી ઉપરાંત ધાર્મિક સ્થળ બેચરાજીમાં પણ બે ઇંચથી વધુ વરસાદ થયો હતો.

(8:40 pm IST)
  • દેશના અર્થવ્યવસ્થા નજીકના ભવિષ્યમાં ચિંતાનો સામનો કરાવશે :ઉદ્યોગપતિ કુમાર મંગલમ બિરલાએ સચેત કરતા કહ્યું કે ક્રૂડતેલની વધતી કિંમત,વધતો ફુગાવો અને ચાલુ ખાતાની ખાદ્ય મુખ્ય ચિંતાનો વિષય છે access_time 12:55 am IST

  • સબરીમાલા મંદિરમાં મહિલાઓને પણ પ્રવેશનો અધિકાર :મંદિર કોઈ ખાનગી મિલકત નથી, તેમાં કોઈપણ જઈ શકે છે: સુપ્રીમની ટિપ્પણી : સુપ્રીમ કોર્ટના ચીફ જસ્ટીસ દીપક મિશ્રાએ કહ્યું છે કે દેશમાં પ્રાઈવેટ મંદિરનો કોઈ સિદ્ધાંત નથી:તે જાહેર સ્થળ છે. જો પુરૂષો જઈ શકે છે તો મહિલાઓને પણ પ્રવેશની અનુમતિ મળવી જોઈએ access_time 12:47 am IST

  • આઈએએસ અધિકારીઓ પર કેન્દ્ર સરકારનું દબાણ:રાજ્ય સરકારના પગલાં અને નિર્ણયોને અવરોધવા આઈએએસ અધિકારીઓ પર કેન્દ્ર સરકાર દબાણ કરતી હોવાનો દિલ્હીના નાયબ મુખ્ય મંત્રી મનીષ સિસોદિયાનો આક્ષેપ access_time 1:02 am IST