Gujarati News

Gujarati News

News of Monday, 19th April 2021

વડોદરાના સયાજીગંજ વિસ્તારમાં ઝુપડપટ્ટીને નિશાન બનાવી તસ્કરોએ 76 હજારની મતાની ઉઠાંતરી કરતા ચકચાર

વડોદરા:શહેરના સયાજીગંજ વિસ્તારમાં આવેલી શંકરનગર ઝુપડપટ્ટીમાં છાપરા વાટે બંધ મકાનમાં પ્રવેશેલો અજાણ્યો તસ્કર સોના-ચાંદીના દાગીના અને રોકડા રૂપિયા સહિત 76 હજારની મત્તા ચોરી નાસી છૂટયા હોવાનો બનાવ સયાજીગંજ પોલીસ મથકના  ચોપડે નોંધાયો છે.

મૂળ પંચમહાલ ના રહેવાસી અને હાલમાં વડોદરા શહેરના સયાજીગંજ વિસ્તારમાં આવેલી શંકર નગર ઝૂપડપટ્ટીમાં રહેતા દિલીપભાઈ સોમસિંહ પરમાર તરસાલી ખાતે નાસ્તાની લારી ધરાવે છે. તેઓ પોતાના મકાનને તાળું મારીને તરસાલી ખાતે આવેલી તેમની નાસ્તાની લારી ખાતે વેપાર કરી રાત્રી રોકાણ કરતા હતા.

દરમિયાન ગઈકાલે તેમની ભાણીએ મકાનનું તાળું ખોલી ઘરમાં પ્રવેશતા ચોરી થઇ હોવાનું જાણવા મળ્યું હતું મકાનના છાપરાનું પતરૂ ખસેડી ઘરમાં પ્રવેશેલો અજાણ્યો તસ્કર સામાન વેરવિખેર કરી એલઇડી ટીવી, સોનાની ચેન, સોનાની બુટ્ટી, સોનાની કડી, ચાંદીના છડા તથા રોકડા રૂપિયા 10 હજાર મળી કુલ 76 હજારની મત્તા ચોરી નાસી છૂટયો હતો. બનાવ સંદર્ભે ફરિયાદના આધારે સયાજીગંજ પોલીસે અજાણ્યા શખ્સ વિરુદ્ધ ચોરીનો ગુનો નોંધી તેની ધરપકડના ચક્રો ગતિમાન કર્યા હતા.

(5:20 pm IST)
  • ચીનના કબ્‍જાગ્રસ્‍ત હોંગકોંગે ભારતથી આવતી તમામ ફલાઈટો ઉપર પ્રતિબંધ લગાવી દીધો છે : પાકિસ્‍તાન અને ફીલીપાઈન્‍સની ફલાઈટો ઉપર પણ બાન મૂકી દીધો છે access_time 11:49 am IST

  • કોવિડ -19 રસી ઉપર અમેરિકી પ્રમુખ જો બાયડને જણાવ્યું છે કે "અમેરિકામાં "16" વર્ષ કે તેથી વધુ ઉંમરના દરેક આજે રસી મેળવવા પાત્ર છે. જેમ બને તેમ સૌ રસી જલ્દી મુકાવે" access_time 12:19 am IST

  • પંજાબના મુખ્યમંત્રીએ COVID19 પરિસ્થિતિની સમીક્ષા કરી : 20 થી 30 એપ્રિલ દરમ્યાન નાઇટ કર્ફ્યુનો સમય વધારીને સાંજે 8 થી સવારે 5 નો કર્યો, તમામ બાર, સિનેમા હોલ, જિમ, સ્પા, કોચિંગ સેન્ટરો, સ્પોર્ટસ સંકુલ બંધ કરવાનો આદેશ આપ્યો : લગ્ન અને અંતિમ સંસ્કાર સહિતના મેળાવડામાં 20 થી વધુ લોકો પર પ્રતિબંધ : આ સાથે સરકારી અને ખાનગી લેબ્સ દ્વારા RT-PCR અને રેપિડ એન્ટિજેન ટેસ્ટ ના દરો અનુક્રમે રૂ. 450 અને રૂપિયા 300 કરવામાં આવ્યા હોવાનું મુખ્યમંત્રી કાર્યાલયે જાહેર કર્યું access_time 4:47 pm IST