Gujarati News

Gujarati News

News of Monday, 19th April 2021

સુરતની સ્મીમેર હોસ્‍પિટલમાં દેવદૂત સમાન ડોક્‍ટરોએ મને અને મારા પેટમાં ઉછરી રહેલા બાળકને મોતના મુખમાંથી ઉગાર્યોઃ સગર્ભા શ્વેતાબેન પટેલને નવજીવન મળ્‍યુ

સુરત: સુરતમાં સ્મીમેર હોસ્પિટલના તબીબોના પ્રયાસોથી અલથાણની સગર્ભા પરિણીતા કોરોનામુક્ત બની. શ્વેતા પટેલ નામની આ દર્દીને પ્રાઇવેટ હોસ્પિટલથી સ્મિમેર હોસ્પિટલમાં રિફર કરાઇ હતી. જ્યાં સગર્ભા અને તેના બાળકને નવજીવન મળ્યું.

કોરોનાની બીજી લહેરમાં નાના બાળકો, યુવાનો અને મધ્યમવયના લોકો પણ મોટી સંખ્યામાં સંક્રમિત થઈ રહ્યા છે, આવા વિકટ સમયમાં મહાનગરપાલિકા સંચાલિત સ્મીમેર હોસ્પિટલના તબીબોએ સરાહનીય કામગીરીનું ઉત્તમ ઉદાહરણ પૂરૂ પાડ્યું છે. પ્રાઇવેટ હોસ્પિટલથી રિફર કરાયેલા અલથાણના સગર્ભા પરિણીતા શ્વેતાબેન પટેલને યોગ્ય સારવાર આપી કોરોનામુક્ત કર્યા છે. કોરોના મહામારીમાં સતત ફરજ નિભાવી રહેલાં સ્મીમેરના તબીબો ફરી એક વાર એક ગર્ભવતી મહિલાને કોરોનામુક્ત કરતા ઉદરમાં ઉછેરી રહેલા બાળકને પણ નવજીવન મળ્યું છે.

શ્વેતા પટેલ 4 મહિનાની સગર્ભા

સ્મીમેરના કોવિડ-19 વોર્ડમાં ફરજ બજાવતાં ડો.કમલ નાયકે જણાવ્યું હતું કે, ગત 11 એપ્રિલના રોજ અલથાણના પટેલ પરિવારના ચાર મહિનાની પ્રેગ્નેન્સી ધરાવતા અને કોરોના પોઝીટીવ શ્વેતાબેન અક્ષયભાઇ પટેલને પ્રાઇવેટ હોસ્પિટલમાંથી ગંભીર હાલતમાં સ્મીમેરમાં લાવવામાં આવ્યા હતા. જેમને સારવાર માટે તાત્કાલિક કોવિડ-19વોર્ડમાં દાખલ કરી બે દિવસ બાયપેપ પર રાખી ઓક્સિજન લેવલમાં વધારો થતા 10 લિટર ઓક્સિજન પર રાખવામાં આવ્યા હતા.

18 એપ્રિલે હોસ્પિટલમાંથી અપાઇ રજા

સરકારની ગાઇડ લાઇન પ્રમાણે રેમડેસિવિર ઈન્જેકશન પણ આપવામાં આવ્યા હતા. કોવિડ હોસ્પિટલમાં ફરજ બજાવતી ટીમમાં ડો.નિલેશ, ડો.રિયા, ડો.દેવશ્રી, ડો.ખુશાલી, ડો.તુષાર, ડો.ડેઇઝી અને ડો.રવિએ ગર્ભવતી મહિલા શ્વેતાબેનની દેખરેખ રાખી કોરોમુક્ત કરવામાં યોગદાન આપ્યું હતું. શ્વેતાબેન સ્વસ્થ થઈ જતાં 18 એપ્રિલના રોજ રજા આપવામાં આવી હતી.

સ્મીમેર હોસ્પિટલ ગાયનેક વિભાગના રેસિડેન્ટ ડો.જિતેશ શાહના માર્ગદર્શન હેઠળ કોરોનાની સારવાર સાથે ગાયનેક વિભાગની ટીમનાં ડો.અર્ચિલ દેસાઇ, ડો.જાહ્નવી, ડો.ઝરણા અને ડો.હેત્વી દ્વારા ઉદરમાં ઉછરી રહેલા બાળકને પણ કોઈ સમસ્યા ન સર્જાય એ પ્રકારે સારવાર આપવામાં આવી હતી.

કોરોનામુક્ત થયેલા શ્વેતાબેન પટેલે તબીબોનો આભાર વ્યકત કરતાં જણાવ્યું કે, “હું અને મારો પરિવાર સ્મીમેર હોસ્પિટલના ઋણી છીએ. મને બે દિવસ બાયપેપ પર રાખવામાં આવી ત્યારે હું હિંમત હારી ગઈ હતી. પરંતુ દેવદૂત સમાન ડોકટરોએ મને અને મારા પેટમાં ઉછરી રહેલા બાળકને સ્વસ્થ કર્યા છે. મારી પાસે એમનો આભાર માનવા કોઈ શબ્દો નથી. અહીં તદ્દન વિનામૂલ્યે સારવાર મળી છે.”

હજારો કોરોના દર્દીઓને સ્વસ્થ કરીને સહીસલામત ઘરે મોકલનારા સરકારી કોવિડ હોસ્પિટલના મહેનતુ ડોકટરો ઈશ્વરીય કાર્ય કરી રહ્યાં છે એવું શ્વેતાબેનના પતિ અક્ષય પટેલે જણાવ્યું હતું.

(5:10 pm IST)
  • એર કાર્ગો નવ વર્ષના ગાળા પછી ફોમ રાજકોટ એરપોર્ટ ફરી શરૂ કરશે. પેસેન્જર ટર્મિનલ દ્વારા કાર્ગો કામગીરી શરૂ કરવા રાજકોટ એરપોર્ટને મંજૂરી મળી છે. એર ઇન્ડિયા અને ઈન્ડિગો એરલાઇન્સો એ તરત જ કાર્ગો ઓપરેશન શરૂ કરવાની તૈયારી દર્શાવી છે. access_time 4:50 pm IST

  • કર્ણાટકમાં કુંભમાંથી પરત ફરનારાઓએ RT-PCR ટેસ્ટ ફરજીયાત: સાત દિવસ ઘરે રહેવું પડશે કર્ણાટકમાં કુંભમાંથી પરત ફરનારાઓએ RT-PCR ટેસ્ટ ફરજીયાત કરી નાખ્યો છે. રાજ્યનાં આરોગ્ય પ્રધાને તેની જાહેરાત કરતા કહ્યું કે હરિદ્વાર કુંભમાં ભાગ લઈને આવવા વાળા યાત્રીઓએ એક સપ્તાહ સુધી ઘરે ક્વોરન્ટાઈન રહેવું ફરજીયાત છે. access_time 1:45 pm IST

  • દિલ્હીમાં આજે રાતથી અઠવાડીયાનું લોકડાઉન : પાટનગર દિલ્હીમાં કોરોના બેફામ બનતા મુખ્યમંત્રી અરવિંદ કેજરીવાલે આજે રાત્રે ૧૦ વાગ્યાથી આવતા સોમવારે સવારે ૫ સુધીનું લોકડાઉન જાહેર કર્યુ છે : આમ દિલ્હીમાં ઍક અઠવાડીયાનું સજ્જડ લોકડાઉન જાહેર થયુ છે access_time 12:11 pm IST