Gujarati News

Gujarati News

News of Monday, 19th April 2021

રાજપીપળા શહેરમાં બે ખાનગી હોસ્પિટલને કોવીડ હોસ્પિટલ તરીકે માન્યતા પરંતુ ઓક્સીજનની તંગીમાં તબીબો મુંજાયા

(ભરત શાહ દ્વારા) રાજપીપળા : નર્મદા જિલ્લામાં વધતા જતા કોરોનાના કેસને ધ્યાનમાં લઇ જિલ્લા વહીવટીતંત્રએ દર્દીઓના હિતમાં રાજપીપળાની બે ખાનગી હોસ્પિટલને કોવીડ હોસ્પિટલ તરીકેની માન્યતા આપી છે.
પ્રાપ્ત માહિતી મુજબ કોરોનાના પ્રથમ રાઉન્ડમાં એટલે  કે ગયા માર્ચ મહિનામાં રાજપીપળામાં વડીયા પેલેસ  કમ્પાઉન્ડમાં 100 પથારીની કોવીડ હોસ્પિટલ શરુ કરવામાં આવી હતી પણ હાલમાં કોરોનાના કેસ વધતા વધુ બેડની જરૂર પડતા તકલીફ ઊભી થઈ બીજી બાજુ સરકાર પાસે નર્મદા જિલ્લામાં સિવિલ હોસ્પિટલ અને કોવીડ  હોસ્પિટલ વચ્ચે માત્ર એકજ એમ ડી ફીજીશ્યન ડોક્ટર છે જેથી ખાનગી હોસ્પિટલ જ્યાં એમ ડી ફીજીશ્યન છે તેવી બે હોસ્પિટલ ને 20-20 પથારી ની કોવીડ હોસ્પિટલ તરીકે માન્યતા આપી પરંતુ અંગત સૂત્રો ના જણાવ્યા મુજબ આ બંને હોસ્પિટલ ને ઓક્સિજન ની તંગી વર્તાય છે ત્યારે સરકારે દર્દીઓ ના હિત માં ઓક્સિજન સહીત તંત્ર તરફ થી જે ઇન્ફ્રાસ્ટ્રક્ટર આપવા યોગ્ય હોય તે સત્વરે પુરી પાડવી જોઈએ તેવી લોક લાગણી છે

(11:06 pm IST)
  • પંજાબના મુખ્યમંત્રીએ COVID19 પરિસ્થિતિની સમીક્ષા કરી : 20 થી 30 એપ્રિલ દરમ્યાન નાઇટ કર્ફ્યુનો સમય વધારીને સાંજે 8 થી સવારે 5 નો કર્યો, તમામ બાર, સિનેમા હોલ, જિમ, સ્પા, કોચિંગ સેન્ટરો, સ્પોર્ટસ સંકુલ બંધ કરવાનો આદેશ આપ્યો : લગ્ન અને અંતિમ સંસ્કાર સહિતના મેળાવડામાં 20 થી વધુ લોકો પર પ્રતિબંધ : આ સાથે સરકારી અને ખાનગી લેબ્સ દ્વારા RT-PCR અને રેપિડ એન્ટિજેન ટેસ્ટ ના દરો અનુક્રમે રૂ. 450 અને રૂપિયા 300 કરવામાં આવ્યા હોવાનું મુખ્યમંત્રી કાર્યાલયે જાહેર કર્યું access_time 4:47 pm IST

  • સ્ટેશનરી પેપર બુક્સ મર્ચન્ટ ઍસો. દ્વારા કાલથી શનિવાર સુધી અડધા દિવસનું સ્વૈચ્છિક લોકડાઉન : તમામ સ્ટેશનરી, વેપારી અને કાલે તા. ૨૦ થી ૨૪ ઍપ્રિલ મંગળવાર સુધી સવારે ૯ થી બપોરે ૩ વાગ્યા સુધી સ્વૈચ્છિક રીતે ચુસ્ત લોકડાઉન પાળવા ઍસોસીઍશનની અપીલ access_time 6:18 pm IST

  • દેશમાં ભયંકર રીતે ફેલાય રહેલ કોરોના સંક્રમણ : આજે સળંગ ચોથા દિવસે નવા કોરોના કેસ 2 લાખ ઉપર નોંધાયા : છેલ્લા ચોવીસ કલાકમાં ભારતમાં 2,71,000 થી વધુ નવા કેસ અને 1570 દુઃખદ મૃત્યુ નોંધાયા : રાત્રે 11 વાગ્યે હજુ બે રાજ્યોના કેસ રિપોર્ટ થવાના બાકી access_time 11:26 pm IST