Gujarati News

Gujarati News

News of Thursday, 17th October 2019

નડિયાદ તાલુકાના ચલાલીમાં ઉછીના પૈસા બાબતે થયેલ ઝઘડામાં નશાની હાલતમાં પોલીસ ફરિયાદ નોંધાવવા ગયેલ શખ્સને પોલીસે ઝડપી કાર્યવાહી હાથ ધરી

નડિયાદ: તાલુકાના ચલાલીમાં ઉછીના નાણાં બાબતે થયેલા ઝઘડામાં ચાર ઈસમોએ ભેગા મળી એક દંપતીને માર માર્યો હતો. જો કે માર ખાનાર દંપતી પૈકી ઈસમે દારૂ પીને ચકલાસી પોલીસ મથકે ફરિયાદ નોંધાવવા જતાં પોલીસે સૌપ્રથમ તેની સામે દારૂ પીધેલાનો કેસ દાખલ કરી ધરપકડ કરી હતી. જામીન પર છૂટ્યાં બાદ પોલીસે માર ખાનાર ઈસમની ફરિયાદ લઈ ચાર વ્યક્તિઓ સામે ગુનો નોંધી કાયદેસરની કાર્યવાહી હાથ ધરી છે.

મળતી માહિતી મુજબ ચલાલીમાં શક્તિનગર વિસ્તારમાં રહેતાં વિનોદભાઈ મંગળભાઈ તળપદા ગત તા.૧૧ ઓકટો.ના રોજ રાત્રીના દશ વાગ્યાના અરસામાં ગામમાં આંટો મારવા નીકળ્યાં હતાં. તે વખતે નડિયાદ તાલુકાના સુરાશામળ તાબે મહુડીયાપુરા સીમ વિસ્તારમાં રહેતાં ભરતભાઈ પ્રભાતભાઈ તળપદા, જગદીશભાઈ ઉર્ફે ગગુ કનુભાઈ તળપદા, રમણભાઈ ઉર્ફે ટીનો કનુભાઈ તળપદા અને ભોલાભાઈ રાજુભાઈ તળપદાએ ત્યાં આવી પહોંચીને,ગાળો બોલી મારા ઉછીના રૂપિયા ક્યારે આપીશ તેમ કહી વિનોદભાઈને ગડદાપાટુનો માર મારવા લાગ્યાં હતાં. વિનોદભાઈએ રૂપિયા આપવાની બાંહેધરી આપી હોવા છતાં ચારેય ઈસમો તેને માર મારી રહ્યાં હતાં. આની જાણ વિનોદભાઈના પત્ની ટીનીબેનને થતાં તેઓ તાત્કાલિક ત્યાં દોડી આવી છોડાવવા વચ્ચે પડ્યાં હતાં. જો કે ચાર ઈસમો પૈકી રમણભાઈ તળપદાએ ટીનીબેનના પગમાં ડંડા મારી ઈજા પહોંચાડી હતી. બૂમાબૂમ થતાં આસપાસના લોકો ત્યાં એકત્રિત થઈ જતાં ચારેય ઈસમો વિનોદભાઈને જાનથી મારી નાંખવાની ધમકી આપી ભાગી છૂટ્યાં હતાં.

(8:52 am IST)
  • 'ગરદન કાપી નાખીશ ' કહેવું મોંઘુ પડ્યું : હરિયાણાના મુખ્યમંત્રી મનોહરલાલ ખટ્ટર વિરુદ્ધ કેસ દાખલ : જાનથી મારી નાખવાની ધમકી,મુખ્ય જનપ્રતિનિધિ હોવા છતાં કથિત અમર્યાદિત ભાષાનો ઉપયોગ અને માનવાધિકારોનું હનન કરવાની પરશુરામ જન કલ્યાણ સંસ્થાનના મુખ્ય સંયોજક જ્યોતિ પ્રકાશ કૌશિકની ફરિયાદ પર રાષ્ટ્રીય માનવાધિકાર આયોગે હરિયાણાના મુખ્યમંત્રી મનોહરલાલ ખટ્ટર વિરુદ્ધ કેસ દાખલ કરી લીધો છે access_time 12:41 am IST

  • ધોની વિશે હું સિલેકટરો સાથે ૨૪ ઓકટોબરે વાત કરીશઃ ગાંગુલી access_time 1:08 pm IST

  • પશ્ચિમ બંગાળમાં મમતા બેનર્જી સામે ભારતીય જનતા પક્ષ સૌરવ ગાંગુલીને પોતાના ચહેરા તરીકે ઉતારશે:. તાજેતરમાં જ બોર્ડ ઓફ ક્રિકેટ કંટ્રોલ ઓફ ઇન્ડિયાના ચેરમેન તરીકે ચૂંટાયેલા સૌરવ ગાંગુલીને આગામી વિધાનસભાની ચૂંટણીમાં ભારતીય જનતા પક્ષ મમતા બેનર્જી સામે ભાજપના મુખ્યમંત્રી ના ચહેરા તરીકે મેદાનમાં ઉતારે તેવી પૂરી સંભાવના છે access_time 1:14 am IST