News of Thursday, 17th May 2018

બહુચરાજી નજીક હાંસલપુરમાં 20 ફૂટ ઊંડા બોરવેલમાં બે વર્ષની માસુમ બાળકી ફસાઈ જતા અફડાતફડી

બહુચરાજી:નજીકના હાંસલપુર ગામે બંધ પડેલા ૨૦ ફુટ ઉંડા બોરવેલમાં એક શ્રમિક પરિવારની બે વર્ષની માસુમબાળકી ફસાઈ જતાં અફડાતફડીનો માહોલ ફેલાઈ ગયો હતો. જોકે ફાયર બ્રિગેડની મદદથી બાળકીને બચાવી લેવામાં સફળતા મળી હતી. આજે બહુચરાજીથી ૨ કિ.મી. દૂર આવેલા માંડલ તાલુકાના હાંસલપુર ગામે એક ખેતરમાં બંધ પડેલા ખુલ્લા બોરવેલમાં એક બે વર્ષની બાળકી રમતાં-રમતાં બોરવેલમાં ગરકાવ થઈ ગઈ હતી. આ ઘટનાની જાણ થતાની સાથે જ ખાનગી કંપનીના અધિકારીઓ, કર્મચારીઓ અને આજુબાજુના ગામના લોકો ઘટનાસ્થળે દોડી ગયા હતા. બનાવની જાણ થતાની સાથે જ ફાયરબ્રિગેડની એક ટીમે બાળકીને બચાવી લેવા કામમાં જોતરાઈ હતી અને સમયસુચકતાને કારણે એક માસુમ બાળકીનો જીવ બચી ગયો હતો. જાણવા મળે છે તે મુજબ અહીંની એક ખાનગી કંપનીમાં નોકરી કરતા એક શ્રમિકની બાળકી હોવાનું જાણવા મળ્યું હતું. બાળકીના અદ્ભુત બચાવથી તેણીના સ્વજનોમાં હર્ષની લાગણી ફેલાઈ હતી અને બાળકીના બચાવથી તંત્રએ હાશકારો અનુભવ્યો હતો.
 

(6:04 pm IST)
  • સુપુર્દ-એ-ખાક : તમામ તાકાત કામે લગાડી પણ અંતે કર્ણાટકમાં કોંગ્રેસનું ઢીમ ઢાળી દેવામાં મોદી-શાહ સફળ થયા... સુપુર્દ-એ-ખાક ટાઇટલ સાથે પ્રસિધ્ધ થયેલું લાજવાબ કાર્ટુન જાણીતા ડેટા એનાલીસ્ટ જી-પ્રધાને ટવીટર ઉપર ટ્વીટ કર્યુ છે access_time 4:22 pm IST

  • નરેન્દ્રભાઇની સ્ટાઇલથી યેદિયુરપ્પાની કર્ણાટક વિધાનસભામાં એન્ટ્રી access_time 4:39 pm IST

  • કર્ણાટકના કોંગ્રેસના એક ધારાસભ્ય રીસોર્ટમાંથી બહાર નીકળતા રાજકીય ગરમાવો : હોર્સ ટ્રેડીંગથી બચવા કોંગ્રેસે તેના ધારાસભ્યોને ઈગલટન રીસોર્ટમાં રાખ્યા હતા : જયાંથી ધારાસભ્ય રાજશેખર પાટીલ ખરાબ તબિયતનું કારણ આપી બહાર નીકળી જતાં કર્ણાટકના રાજકારણમાં ગરમાવો આવી ગયો છે access_time 6:10 pm IST