Gujarati News

Gujarati News

News of Tuesday, 17th April 2018

રાજયમાં અેક તરફ ધોમધખતો તાપ તો બીજી તરફ ભરૂચમાં કમોસમી વરસાદથી ખેડુતો પરેશાન

રાજયમાં અેક તરફ ધોમધખતો તાપ તો બીજી તરફ ભરૂચમાં કમોસમી વરસાદથી ખેડુતો પરેશાન

ભરૂચઃ એક તરફ રાજ્યમાં ગરમીનો પારો 41થી 42 ડિગ્રી આસપાસ પહોંચી ગયો છે. ત્યારે બીજી તરફ ભરૂચ જિલ્લામાં વાતાવરણમાં પલટો જોવા મળ્યો હતો. હાંસોલ પંથકમાં કમોસમી વરસાદ વરસતા લોકોને ગરમીમાંથી રાહત મળી હતી. પરંતુ ખેડૂતો ચિંતામાં ગરકાવ થઈ ગયા છે. કારણે કે ખેડૂતોને કેરી , ઘઉં અને જીરા પાકને નુકસાન થવાની ભીતી સેવાઈ રહી છે.

એક તરફ ગરમી અને બીજી તરફ વરસાદ જેને લઈને હાલ ડબલ ઋતુનો અનુભવ લોકો કરી રહ્યાં છે. અહીં સવારથી વાદળછાયુ વાતાવરણ જોવા મળ્યું હતું. અને બપોર થતાં જ વરસાદી માહોલ છવાયો હતો. જેને લઈને લોકોએ ગરમીની ઋતુમાં વરસાદી માહોલની મજા માણી હતી..

મહત્વનું છે કે સતત ત્રીજા વર્ષે ખેડૂતો માટે રાહતના સમાચાર છે. જૂનના પ્રથમ સપ્તાહમાં જ ચોમાસાની ઋતુની શરૂઆ્રત થઈ જશે. અને આ વર્ષ 97 ટકા વરસાદ પડે તેવી શક્યતા છે. હવામાન વિભાગના જણાવ્યા અનુસાર, ચાલુ વર્ષે દેશમાં ચોમાસું સામાન્ય રહેશે. જેમાં 97 ટકા વરસાદ થશે. જ્યારે દુષ્કાળની વાત કરીએ તો તેની સંભાવના 0 ટકા છે. ઉલ્લેખનીય છે કે, 94 ટકાથી 104 ટકા સુધી વરસાદને સામાન્ય ગણવામાં આવે છે. જ્યારે જૂન મહિનામાં વરસાદ સામાન્યથી વધારે રહેશે. જુલાઇથી ઓગષ્ટ સુધીમાં 96 ટકાથી 97 ટકા વરસાદની આગાહી છે.

આમ હાલ તો રાજ્યમાં ગરમીનો પારો સતત વધી રહ્યો છે. અને લોકો ગરમીનો મારો સહન કરી રહ્યાં છે. ત્યારે ચોમાસુ વહેલુ થશે તે લોકોને ગરમીમાંથી રાહત મળશે.

(7:25 pm IST)
  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST

  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • ''રૃકાવટકે લિયે ખેદ'': માઇક્રો બ્લોગીંગ સાઇટ ''ટિવટર'' દુનિયાભરમાં ઠબ્બઃ ટેકનીકલ ખામીને કારણે સાંજે ૭ વાગ્યે ઠબ્બ થઇ ગયેલુ ટિવટર એક કલાક પછી ફરી ચાલુ access_time 8:56 pm IST