Gujarati News

Gujarati News

News of Monday, 16th April 2018

ઝેર ગટગટાવી લેનાર સુરતના હીરાના વેપારીનું મોત :કારણ જાણવા તપાસ

દેવું થઇ જતા અંતિમ પગલું ભર્યાનું પોલીસનું કથન : તેની સાથે ઠગાઈ થતા ઝેર પીધાનું પરિવારજનોનો દાવો

ઝેર ગટગટાવી લેનાર સુરતના હીરાના વેપારીનું મોત :કારણ જાણવા તપાસ

સુરતના રાંદેર વિસ્તારમાં પખવાડિયા અગાઉ ઘરમાં ઝેર ગટગટાવી લેનારા હીરા દલાલનું હોસ્પિટલમાં સારવાર દરમિયાન મોત નિપજ્યું હતું.માથે દેવું થઈ જતા આ હીરા દલાલે જીવન ટૂંકાવી લીધું હોવાનું પોલીસનું કથન છે જયારે તેના સંબંધીઓ તેમની સાથે લાખો રૂપિયાની ઠગાઈ થઈ હોવાનું જણાવી તેમની પાસેથી હીરા લેનારા લોકો પેમેન્ટ આપતા નહીં હોવાથી ડિપ્રેશનમાં આવી જઈ તેમણે આત્યંતિક પગલું ભરી લીધું હોવાનું કહ્યું હતું.
   બનાવ અંગે મળતી માહિતી મુજબ રાંદેર, નવયુગ કોલેજ નજીક આવેલા શેત્રુંજ્ય એપાર્ટમેન્ટમાં રહેતા ભાવેશભાઈ વસંતલાલ શાહ (ઉં.વ.૪૧) મહિધરપુરા, હીરા બજારમાં દલાલીનું કામકાજ કરતા હતા. દરમિયાન ગત તા. ૧લી એપ્રિલના રોજ તેમણે ઘરમાં ઝેર ગટગટાવી લીધું હતું
   ભાવેશભાઈએ ઝેર પી લીધું હોવાની જાણ થતા પરિવારના સભ્યોએ તેમને તાત્કાલિક સારવાર માટે અઠવાલાઈન્સની હોસ્પિટલમાં દાખલ કર્યા હતા. ત્યારબાદ વધુ સારવાર માટે તેમને મુંબઈ લઈ જવાયા હતા. જ્યાંથી ગઈકાલે રાત્રે સુરત સિવિલમાં ખસેડાતા તબીબોએ તેમને મૃત ઘોષિત કર્યા હતા. મૃતક ભાવેશભાઈ બે સંતાનના પિતા હતા. તેમના અકાળે મોતથી પરિવારમાં શોકની કાલીમાં છવાઈ ગઈ છે.
   બનાવની તપાસકર્તા રાંદેર પોલીસ મથકના હેડ કોન્સ્ટેબલ મુકેશભાઈએ જણાવ્યું હતું કે, મૃતક ભાવેશભાઈના માથે દેવું થઈ ગયું હતું. જેને લીધે તેઓ તણાવમાં રહેતા હોય અંતિમ પગલું ભરી લીધું હતું. તેમની સાથે ઠગાઈ થઈ હોવાની હકીકત પરિવાર દ્વારા પોલીસને કહેવામાં આવી નથી. બનાવ અંગે પોલીસ તપાસ ચાલી રહી છે.

 

(11:28 pm IST)
  • વડોદરાના બહુચર્ચિત ભટનાગર બંધુઓની ધરપકડ : વડોદરામાં રૂ. 2654 કરોડના કૌભાંડમાં પિતા સુરેશ ભટનાગર અને બન્ને ભાઈઓ અમિત - સુમિત ભટનાગરની ધરપકડ : રાજસ્થાનના ઉદયપુરથી કરાઈ ત્રણેયની ધરપકડ : CBI અને ATSનું સંયુક્ત સફળ ઓપરેશન access_time 12:34 am IST

  • મધ્યપ્રદેશમાં જાનૈયાને લઇ જતો મીની ટ્રક સોનનદીમાં 100 ફૂટ ઊંડે ખાબકતા 20ના મોત ;30 ઘાયલ :સીધી જિલ્લામાં દુર્ઘટના:સોનનદીના પુલનું ડિવાઈડર તોડીને ટ્રક ખાબક્યો :જિલ્લાના ઉચ્ચ અધિકારીઓ પહોંચ્યા :રાહત-બચાવકાર્ય શરૂ :મીની ટ્રક જિલ્લાના બાહરી થાણા ક્ષેત્ર અમેલિયા નજીક પુલ પરથી 100 ફૂટ ઊંડે પડ્યો :ગેસ કટરથી કાપીને ફસાયેલ લોકોને બહાર કાઢયા access_time 1:42 am IST

  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST