Gujarati News

Gujarati News

News of Monday, 16th December 2019

ઉમરેઠમાં રોડ ક્રોસ કરતા મજુર યુવાનનું એસટીની અડફેટે મોત

નડિયાદ: ઉમરેઠ ખાતે ગઈકાલે રાત્રીના સુમારે રોડ ક્રોસ કરી રહેલા એક મજુર યુવાનને એસટી બસે અડફેટે લેતાં તેનું ટુંકી સારવાર દરમ્યાન મોત થયું હતુ. આ અંગે પોલીસે એસટી બસના ચાલક વિરૂધ્ધ ગુનો દાખલ કરીને તેને ઝડપી પાડવાની તજવીજ હાથ ધરી છે. મળતી વિગતો અનુસાર ઉમરેઠ શહેરની અંબિકાનગર સોસાયટી પાછળ નવી સોસાયટી બની રહી છે. જેમાં કડિયાકામની મજુરી માટે દાહોદ અને ગોધરા જિલ્લાના કેટલાક આદિવાસીઓ આવ્યા છે અને તેઓ જે દુકાનો પાડી છે તેમાં જ રહે છે. ગઈકાલે રાત્રીના નવેક વાગ્યાના સુમારે બળવંતભાઈ મથુરભાઈ વણઝારા રોડ ક્રોસ કરીને સોસાયટી તરફ આવતો હતો ત્યારે ઉમરેઠ તરફથી પુરપાટ ઝડપે આવી ચઢેલી એસટી બસ નંબર જીજે-૧૮, વાય-૮૧૭૮એ ટક્કર મારીને થોડે દુર સુધી રોડ પર ઢસડ્યો હતો જેના કારણે તેને માથામાં અને શરીરના ભાગે ગંભીર ઈજાઓ થવા પામી હતી. તેને તુરંત જ સારવાર માટે ૧૦૮ મોબાઈલ વાન દ્વારા ઉમરેઠની સરકારી હોસ્પિટલમાં લઈ જવામાં આવ્યો હતો જ્યાં ટુંકી સારવાર બાદ તેનું અવસાન થયું હતુ. આ અંગે શંકરભાઈ વાલસીંગભાઈ કટારાએ ઉમરેઠ પોલીસ મથકે ફરિયાદ આપતાં પોલીસે ગુનો દાખલ કર્યો હતો.

(6:27 pm IST)
  • રાજકોટમાં વધુ બે નવા ઓવરબ્રીજની જાહેરાત: કાલાવડ રોડ ઉપર જડ્ડુસ રેસ્ટોરન્ટ પાસે અને ૧૫૦ ફૂટ રીંગ રોડ ઉપર ઉમિયા ચોક ખાતે ઓવર બ્રીજ બનાવવાની સ્ટેન્ડીંગ કમીટી દ્વારા સરકારમાં દરખાસ્ત access_time 12:56 pm IST

  • પૂર્વ રાષ્ટ્રપતિ પ્રણવ મુખરજીએ લોકસભાની સીટ 543થી વધારીને 1000 કરવા અને રાજ્યસભાની બેઠકોમાં પણ વધારો કરવા હિમાયત કરી : પ્રણવદાએ કહ્યું કે દેશમાં ચૂંટાયેલ પ્રતિનિધિઓ માટે મતદાતાઓની સંખ્યા નિર્ધારિત કરતા ઘણી વધારે છે : પ્રણવ મુખરજીએ ઇન્ડિયા ફાઉન્ડેશન દ્વારા અટલ બિહારી વાજપેય સ્મૃતિ વ્યાખ્યાનમાં સતાધારી પાર્ટીને બહુસંખ્યકવાદ વિરુદ્ધ સતર્ક કર્યા હતા : તેઓએ કહ્યું કે લોકોએ બહુમતી આપી હશે પરંતુ મોટાભાગના મતદારોએ કોઈ એક પાર્ટીને ક્યારેય સમર્થન કર્યું નથી access_time 1:04 am IST

  • ગ્વાલિયર કલેક્ટરનો હુકમ: બંદુકનું લાયસન્સ જોઇએ તો ગૌશાળાને 10 ઘાબળા આપો: ગ્વાલિયર કલેક્ટર અનુરાગ ચૌધરીએ લાલ ટીપારા અને ગોલાનાં મંદિર સ્થિત ગૌશાળાનું નિરિક્ષણ કર્યું : નિરિક્ષણ દરમિયાન ગાયોની સ્થિતિને જોઇને તેમણે જીલ્લામાં બંદૂકનું લાયસન્સ માટે ગૌશાળાને ધાબળા અપાવવા આવો નિર્ણંય કર્યો access_time 12:28 am IST