Gujarati News

વાપીની જીઆઈડીસીમાં આવેલી એક કેમિકલ ફેકટ્રીમાં આગ ફાટી નીકળી હતી જેના પગલે નાસભાગ મચી ગઈ હતી. આ ઘટનાની જાણ થતા જ ફાયર વિભાગનો કાફલો ઘટના સ્થળે પહોંચીને આગ પર કાબૂ મેળવાની કામગીરી હાથ ધરી હતી.

   પ્રાપ્ત માહિતી પ્રમાણે વાપી જીઆઇડીસીના થર્ડ ફેસમાં આવેલી સુપ્રીત કેમિકલ કંપનીમાં અચાનક ભીષણ આગ ફાટી નીકળી હતી. કંપનીમાં કામ ચાલી રહ્યું હતું એ વખતે જ આગ લાગતા કંપનીમાં દોડધામ મચી ગઈ હતી. અને કામદારો બહાર દોડી આવ્યા હતા જેના પગેલ મોટી દુર્ઘટના ટળી હતી. કેમિકલ કંપનીમાં આગ લાગવાના કારણે કરોડો રૂપિયાનું નુકસાન થયું હોવાનું કહેવામાં આવી રહ્યું છે.

   જોકે કંપનીમાં ફાયર સેફટી હતી કે કેમ તેમજ જો હતી તો કાર્યરત અવસ્થામાં હતી કે કેમ તે હજી તપાસનો વિષય બની જાય છે. હજી સુધી આગ ક્યા કારણોસર લાગી તે હજી સુધી જાણી શકાયું નથી.