Gujarati News

Gujarati News

News of Monday, 16th September 2019

કાંકરેજ તાલુકામાં ગાડીના ચાલકે નશાની હાલતમાં રોંગ સાઈડમાં ગાડી ચલાવી રાહદારીઓને ફંગોળ્યા: 9 પૈકી બે એ ઘટનાસ્થળેજ દમ તોડ્યા: સાતને ગંભીર ઇજા

કાંકરેજ:તાલુકાના વહેપારી મથક થરા ખાતે ગત સાંજના સુમારે એક હ્યુન્ડાઈ ગાડીના ચાલકે દારૃના નશામાં ચકચુર થઈ રોંગ સાઈડમાં ગાડી ચલાવી સામેથી આવી રહેલ જલારામ મંદિરેથી આવી રહેલ રાહદારીઓને હવામાં ફંગોળ્યા હતા. જેમાં 9 રાહદારીઓપૈકી બેના ઘટનાસ્થળે મોત થયા હતા. જ્યારે 7 વ્યક્તિઓને ગંભીર ઈજા થતાં તેઓને સારવાર માટે થરા રેફરલ ખાતે ખસેડાયા હતા. જેઓની હાલત નાજુક જણાતા પાટણ ધારપુર ખાતે ખસેડાયા હતા.

થરા વેપારી મથકમાં આવેલ જલારામ મંદિરમાંથી ભોજનની પ્રસાદી લઈને થરા તરફ આવી રહેલ રાહદારીઓ સામે રોંગસાઈડમાંથી કાર ચાલક પ્રજાપતિ મોહિત રમેશભાઈ (રહે. શિહોરી)વાળાએ રાજાપાઠમાં સામેથી આવી રહેલા રાહદારીઓ પર ગાડી ચલાવી હવામાં ઉછાળી તેમજ ગાડી માથે ચડાવી આગળ રોડની સાઈડમાં પડેલા સિમેન્ટના બાંકડાઓ પર અથડાવી હતી. ઘટનાસ્થળે લોકોના ટોલાએ આરોપી ગાડી ચાલકને ગાડીમાંથી ઉતારી થરા પોલીસને હવાલે કર્યો હતો. આ અકસ્માતમાં  9 રાહદારીઓને ગંભીર ઈજાઓ પહોંચી હતી. જેમાં બે જણાના ઘટનાસ્થળે મોત નિપજ્યા હતા. જ્યારે 7 રાહદારીઓને ઈજાઓ થતાં પ્રાથમિક સારવાર થરા રેફરલ હોસ્પિટલમાં અપાયા બાદ વધુ સારવાર માટે પાટણની ધારપુર સિવિલ હોસ્પિટલમાં ખસેડવામાં આવ્યા હતા.

(6:07 pm IST)
  • ઝારખંડના વિપક્ષી નેતા હેમંત સોરેને મુખ્યમંત્રી રઘુવરદાસને ફટકારી લીગલ નોટિસ : પૂર્વ મુખ્યમંત્રી હેમંત સોરેને પોતાના પર ભ્રષ્ટ્રાચારના આરોપ મામલે સીએમને નોટીસ ફટકારી આરોપ પાછા ખેંચવા માંગ કરી : હેમન્ત સોરેને કહ્યું કે મને બદનામ કરવા 500 કરોડની સંપત્તિ ખરીદયાનો કરાય છે આક્ષેપ : સાત દિવસમાં માફી માંગે અથવા કાનૂની કાર્યવાહીની ચીમકી આપી access_time 12:53 am IST

  • ભારે કરી : રેલવે પોલીસને હેલ્પલાઇન નંબર પર આવે છે પિઝ્ઝા -બર્ગર માટે ફોન : સ્ટાફ પિઝા અને બર્ગરની ડિલિવરી કરે છે કે કેમ ? તેવા પુછાય છે સવાલ : રાજધાની દિલ્હીમાં રેલવેને નવી મુશીબત :યાત્રીઓ પિઝા અને બર્ગરની ડિલિવરી માટે કરે છે માંગણી : હેલ્પલાઇન નંબરમાં 80 ટકાથી વધુ ફોન પીઝા અને બર્ગર માટે આવે છે : મોબાઈલ રિચાર્જ માટે પણ કરાઈ છે પૂછપરછ access_time 12:53 am IST

  • દિલ્હીના ૩૧ માર્ચ ૧૯૯૭ ના ચકચારી કનોટ પ્લેસ નકલી એન્કાઉન્ટર કેસ, જેમાં 2 ઉદ્યોગપતિઓની સરાજાહેર હત્યા કરાય હતી, તેમાં તત્કાલીન એસીપી સત્યવીર રાઠી સહિત સમગ્ર પોલીસ ટીમને આજીવન કેદની સજા ફટકારતી કોર્ટ! access_time 12:20 pm IST