Gujarati News

Gujarati News

News of Monday, 16th September 2019

ગાંધીનગરના રાજમાર્ગો પર અકસ્માતની ઘટનામાં ભરખમ વધારો: ઘ-5 નજીક બાઇકે દસ વર્ષીય બાળકીને હડફેટે લેતા સારવાર દરમ્યાન મોત: બાઈક ચાલક વિરુદ્ધ ફરિયાદના આધારે ગુનો દાખલ

ગાંધીનગર: શહેરના રાજમાર્ગો ઉપર અકસ્માતની સંખ્યા દિનપ્રતિદિન વધી રહી છે ત્યારે ગઈકાલે રાત્રે શહેરના ઘ-પ પાસે રસ્તો ઓળંગી રહેલી દસ વર્ષીય બાળકીને બુલેટ ચાલકે અડફેટે લેતાં તે બેભાન થઈ ગઈ હતી અને તેને તાત્કાલિક સારવાર માટે ગાંધીનગર સિવિલ હોસ્પિટલ ખસેડવામાં આવી હતી. જયાં સારવાર દરમ્યાન તેનું મોત નીપજયું હતું. આ ઘટના અંગે સે-ર૧ પોલીસે જાણ કરાતાં પોલીસે બાઈક ચાલક સામે ગુનો નોંધી વધુ તપાસ શરૂ કરી છે.   

રાજયના પાટનગર ગાંધીનગર શહેરમાં છેલ્લા ઘણા સમયથી રાજમાર્ગો ઉપર અકસ્માતની ઘટનાઓ વધી રહી છે ત્યારે ગઈકાલે રાત્રે શહેરના ઘ-માર્ગ ઉપર રસ્તો ઓળંગી રહેલી દસ વર્ષીય બાળકીનું મોત થયું હતું. આ ઘટનાની મળતી વિગતો પ્રમાણે સે-૧૬માં નાની શોપીંગ સેન્ટર પાસે રહેતાં વિજયભાઈ બાબુભાઈ દંતાણી પરિવાર સાથે ઘ-પ પાસે બેસવા માટે ગયા હતા. 

(6:05 pm IST)
  • રાજ્યમાં ટ્રાફિકના નવા નિયમનના અમલવારી માટે પોલીસતંત્ર સજ્જ : નવા નિયમની અમલવારીને લઈને ટ્રાફિકના ઉચ્ચ અધિકારીઓની બેઠક : નિયમની કડક અમલવારી કેવી રીતે કરાવવી તે અંગે બેઠકમાં મહત્વના નિર્ણય લેવાયા:સામન્ય લોકો સાથે સાથે પોલીસ કર્મીઓને પણ ટ્રાફિકના નિયમોનું પાલન કરવા સૂચના : access_time 12:51 am IST

  • ઝારખંડના વિપક્ષી નેતા હેમંત સોરેને મુખ્યમંત્રી રઘુવરદાસને ફટકારી લીગલ નોટિસ : પૂર્વ મુખ્યમંત્રી હેમંત સોરેને પોતાના પર ભ્રષ્ટ્રાચારના આરોપ મામલે સીએમને નોટીસ ફટકારી આરોપ પાછા ખેંચવા માંગ કરી : હેમન્ત સોરેને કહ્યું કે મને બદનામ કરવા 500 કરોડની સંપત્તિ ખરીદયાનો કરાય છે આક્ષેપ : સાત દિવસમાં માફી માંગે અથવા કાનૂની કાર્યવાહીની ચીમકી આપી access_time 12:53 am IST

  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST