Gujarati News

Gujarati News

News of Thursday, 16th May 2019

અમદાવાદના ઓઢવમાં માલધારી સમાજ પર કથિત દમનના વિરોધમાં પાલનપુરમાં આવેદનપત્ર પાઠવાયું

અસભ્ય વર્તન કરનાર પોલીસ કર્મીઓ સામે ત્વરિત પગલાં ભરવાની ઉગ્ર માંગ

પાલનપુર : અમદાવાદના ઓઢવ વિસ્તારમાં માલધારી સમાજના લોકો પર પોલીસ અને મ્યુનિસીપલ કોર્પોરેશનના કર્મીઓ દ્વારા અત્યાચાર ગુજારવામાં આવતા રાજ્યભરના માલધારી સમાજમાં તેના ઘેરા પ્રત્યાઘાત પડયા છે અને આ પોલીસ દમન મામલે ઠેર ઠેર આવેદનપત્રો પાઠવવામાં આવી રહ્યા છે જેમાં માલધારી સમાજની મહિલાઓ સાથે અસભ્ય વર્તન કરનાર પોલીસ કર્મીઓ સામે ત્વરિત પગલાં ભરવાની ઉગ્ર માંગ કરવામાં આવી રહી છે

  પાલનપુર ખાતે વિહોતર ગ્રૂપ દ્વારા જિલ્લા કલેક્ટર અને એસ.પી કચેરીએ પણ આવેદનપત્રો પાઠવવામાં આવ્યા હતા. અમદાવાદના ઓઢવ વિસ્તારમાં તા.૧૩ મે ના રોજ મ્યુનિસિપલ કોર્પોરેશન અને પોલીસ દ્વારા માલધારી સમાજની બહેન દીકરીઓ પર ઘરમાં ઘૂસીને અત્યાચાર ગુજારવામાં આવતા રાજ્યભરના માલધારી સમાજમાં ઘેરા પ્રત્યાઘાતોપડ્‌યા છે અને આ પોલીસ દમન વિરુદ્ધ ઠેરઠેર દેખાવો યોજવામાં આવી રહ્યા છે

પાલનપુર ખાતે વિહોતર ગ્રૂપ દ્વારા ઓઢવ અત્યાચારના બનાવને સખ્ત શબ્દોમાં વખોડી કાઢવામાં આવ્યો હતો અને માલધારી સમાજ ઉપર અત્યાચાર ગુજારનાર પોલીસ અને મ્યુનિસિપલ કર્મીઓ સામે પગલાં ભરી પીડિત માલધારી સમાજ ને ન્યાય આપવા ની ઉગ્ર માંગ કરાઈ હતી.

(12:17 pm IST)
  • અમિતભાઇ શાહે કોલકતા બહારથી ગુંડા બોલાવ્યા તેનો અહેવાલ, રાષ્ટ્રીય ચેનલો નહિં દેખાડે કારણ કે તેઓ દલાલ છેઃ મમતા બેનરજી access_time 3:49 pm IST

  • વેનેઝુએલા જતી તમામ ફલાઈટો અમેરિકાએ રદ્દ કરી : સલામતી અને સિકયુરીટી કારણોસર વેનેઝુએલા જતી તમામ વિમાની ઉડ્ડયનો અમેરિકાએ રદ્દ કર્યા છે : વેનેઝુએલામાં ભારે રાજકીય અફરાતફરી પ્રવર્તે છે અને સતત તનાવ વધતો જાય છે ઉપરાંત રાજકીય અસ્થિરતા સર્જાયેલ છે. access_time 3:49 pm IST

  • હું ગાંધીજીનું બહુ સન્માન કરું છું :સાધ્વી પ્રજ્ઞા ઠાકુરનું શીર્ષાસન : નથુરામ ગોડસેને દેશભક્ત ગણાવ્યા બાદ ભાજપે આ નિવેદનથી પોતાનો પલ્લો ઝાટક્યો હતો અને માફી માંગવા કહેતા સાધ્વી પ્રજ્ઞાને માફી માંગવા સાથે કહ્યું હું ગાંધીજીનું બહુ સન્માન કરું છું access_time 1:16 am IST