Gujarati News

Gujarati News

News of Friday, 16th April 2021

ગાંધીનગરના કલોલ તાલુકામાં 6 વર્ષીય બાળકીને શેરડીનો રસ પીવડાવવાની લાલચ આપી નરાધમે દુષ્કર્મ આચરવાનો પ્રયાસ કરતા પોલીસ ફરિયાદ

ગાંધીનગર: જિલ્લાના કલોલ તાલુકામાં આવેલા વડસરમાં રહેતા પરિવારની વર્ષની બાળકીને શેરડીનો રસ પીવડાવાના બહાને શખ્સ દ્વારા પંચાયત પાસેના જાહેર શૌચાલયમાં લઈ જઈ દુષ્કર્મનો પ્રયાસ કરવામાં આવ્યો હતો.

સમાજમાં દુષ્કૃત્યની ઘટનાઓ વધી રહી છે ત્યારે કલોલ તાલુકાના વડસર ગામમાં પણ વર્ષની માસુમ બાળકી સાથે દુષ્કૃત્યની ઘટના બનવા પામી છે. અહીં રહેતા પરીવારની બાળકી ગઈકાલે તેના ભાઈ બહેન સાથે રમી રહી હતી ત્યારે એક શખ્સ તેની પાસે આવ્યો હતો અને બાળકીને શેરડીનો રસ પીવડાવાની લાલચ આપીને પંચાયત પાછળના જાહેર શૌચાલયમાં લઈ ગયો હતો. જયાં બાળકીના કપડાં કાઢીને દુષ્કૃત્ય કરવા જતાં બાળકીએ બુમાબુમ કરતાં લોકો દોડી આવ્યા હતા અને શખ્સ ત્યાંથી નાસી છુટયો હતો. ત્યારબાદ પંચાયત આગળ ગામ લોકો એકઠા થયા હતા અને બાળકીની માતા પણ ત્યાં પહોંચી હતી. જેના પગલે સીસીટીવી ફુટેજ ચકાસતાં શખ્સ હસમુખજી ધનાજી ઠાકોર રહે.પાર્થ ફેકસીપેક કંપનીની ઓરડીમાં વડસર હોવાનું બહાર આવ્યું હતું. જેથી ગ્રામજનોએ તેની શોધખોળ કરીને તેને ઝડપી પાડયો હતો. ત્યારબાદ સાંતેજ પોલીસના હવાલે કરવામાં આવ્યો હતો. હાલ પોલીસે બાળકીની માતાની ફરીયાદના આધારે આધેડ સામે ગુનો નોંધીને કાયદેસરની કાર્યવાહી હાથ ધરવામાં આવી છે. 

(5:28 pm IST)
  • હરિદ્વાર મહાકુંભમાં સામેલ થયેલા નિર્વાણી અખાડાના મહામંડલેશ્વર કપિલનું કૈલાશ હોસ્પિટલમાં કોરોનાથી નિધન: હરિદ્વારમાં કુંભ મેળામાં છેલ્લા ચાર દિવસમાં કોરોનાના 1701 નવા કેસ મળ્યા: કુંભ મેળા ક્ષેત્રમાં સંક્રમિત વ્યક્તિઓની સંખ્યા 2000 સુધી વધી શકે access_time 12:04 am IST

  • ગોંડલ પંથકમાં કમોસમી વરસાદ રાજકોટ-જૂનાગઢ હાઇવે ઉપર આવેલબગોંડલ તાલુકાના ચરખડી ગામે ભર ઉનાળે કમોસમી વરસાદ અત્યારે સાંજે પડી રહ્યો છે. ખેડૂતો મુશ્કેલીમાં.. (ભાવેશ ભોજાણી) access_time 6:57 pm IST

  • LIC કર્મચારીઓની જીત : પગારમાં ૧૬%નો વધારો : સપ્તાહમાં પાંચ દિવસ ચાલુ રહેશે એલઆઈસીનો આજથી ફાઈવ ડે વીક : દર શનિવારે રજા રહેશે : પગાર પ્રશ્ને ચાલતી માથાકૂટમાં મેનેજમેન્ટ અને યુનિયન આગેવાનો વચ્ચે સમાધાન : પગારમાં ૧૬%નો વધારો : ૧-૫-૨૦૨૧ થી અમલવારી થશે : રાજકોટ સહિત દેશભરના ૧ લાખ ૧૦ હજાર કર્મચારી - અધિકારીને ફાયદો : રાજકોટ એલાઈસી કચેરીમાં ફટાકડા ફૂટ્યા અને મિઠાઈ વિતરણ કરાઈ access_time 11:07 am IST