Gujarati News

Gujarati News

News of Monday, 15th April 2019

ગાંધીનગરમાં દીપડાનો આતંક: ખેતરમાં પંજા જોવા મળતા સર્ચ ઓપરેશન હાથ ધરવામાં આવ્યું

ગાંધીનગર:દીપડાને નવા સચિવાલયમાં પગરવ માંડયા બાદ ગાંધીનગર શહેરની આસપાસના વિસ્તારોમાં દીપડો હોવાની વાત સતત સામે આવી રહી છે. પાલજ બાસણના ખેતરો, ગાંધીનગરના પુનીત વન અને જ-રોડ વિસ્તાર બાદ જિલ્લાના પીપળજ  અને અલુવા ગામમાં દીપડો હોવાના પુરાવા મળ્યા હતા.એટલુ જ નહીં, પીંપળજમાં તો બે વખત દીપડાએ મારણ પણ કર્યું હતું ત્યારે માણસા રેન્જમાં આવેલા લાકરોડાગામના કોતરોના વિસ્તારમાં આજે વનરક્ષકે નરી આંખે ફક્ત ૧૩ ફુટના અંતરે જ દીપડાના 'દર્શન' કર્યા હતા. વનરક્ષકને જોઇને દીપડો ત્યાંથી નદી તરફના જંગલોમાં ભાગી ગયો હતો. તંત્રએ અહીં સર્ચ ઓપરેશન હાથ ધર્યું છે. 

અગાઉ ગાંધીનગર સચિવાલયમાં પ્રવેશીને દીપડાએ દીપડા ધન તેરસ ઉજવી હતી. મહામુસીબતે વન વિભાગની ટીમે યુક્તિ કરીને આ દીપડાને પાંજરે પુર્યો હતો. ત્યાર બાદ સતત ગાંધીનગર શહેર અને તેના આસપાસના વિસ્તારોમાં દીપડો હોવાની વાત ચર્ચામાં રહી છે. ગાંધીનગર શહેર નજીક આવેલા પાલજ અને બાસણ ગામના ખેતરોમાં ખેડૂતોએ દીપડો જોયો હોવાનો દાવો કર્યો હતો તો ત્યારબાદ પુનીત વન અને અગાઉ દીપડો પકડાયો હતો તે ગરનાળા ઉપરાંત જ-રોડની બન્ને બાજુ પણ દીપડા જેવા પ્રાણીના પગલાં મળી આવ્યા હતા. જેને લઈને પણ વન વિભાગની ટીમ દ્વારા આ વિસ્તારમાં સર્ચ ઓપરેશન હાથ ધરાવામાં આવી રહયું છે . 

(5:24 pm IST)
  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST

  • તામિલનાડુમાં જબરો રાજકીય ગરમાવો : DMKના લોકસભા ચૂંટણીના થુઠુંકુડી બેઠકના ઉમેદવાર સુ.શ્રી. એમ.કે. કનીમોઝીના ચેન્નાઇ સ્થિત ઠેકાણાઓ પર ઇન્કમટેક્ષ ડિપાર્ટમેન્ટ દ્વારા શરૂ કરાયું સર્ચ ઓપરેશન : રાજકીય ઉથલપાથલના એંધાણ access_time 10:56 pm IST