Gujarati News

Gujarati News

News of Monday, 15th April 2019

ધનસુરા નજીક બાઈકને પાછળથી ટ્રકે ટક્કર મારતા ઉમરેઠના આધેડનું કરૂણમોત :એક વ્યક્તિ ઘાયલ

ધનસુરા સામાજિક પ્રસંગમાં હાજરી આપવા અને સંબધીને મળવા આવતા હતા

ધનસુરા-બાયડ રોડ પર અણીયોર ત્રણ રસ્તા નજીક બાઈકને પાછળથી ટ્રકે ટક્કર મારતા બાઈક પાછળ બેઠેલ ઉમરેઠના એક આધેડનું ઘટનાસ્થળે કમકમાટી ભર્યું મોત નીપજ્યું હતું બાઈક ચાલકના શરીરે ગંભીર ઈજાઓ પહોંચતા સારવાર અર્થે વાત્રક હોસ્પિટલમાં ખસેડાયો હતો અકસ્માતના પગલે દોડી આવેલી ધનસુરા પોલીસે મૃતકની લાશને પીએમ માટે મોકલી કયદેસરની કાર્યવાહી હાથધરી હતી.

   આ અંગેની વિગત મુજબ સવારે ધનસુરા-બાયડ રોડ પર બાઈકને પાછળથી ટ્રકે અડફેટે લેતા ગમખ્વાર અકસ્માત સર્જાતા ૧ વ્યક્તિનું ઘટનસ્થળે મોત નીપજ્યું હતું. ખેડા જીલ્લાના ઉમરેઠ ગામના ઘનશ્યામ ભાઈ બાબુ ભાઈ કાછીયા અને નટવરભાઈ શંકર ભાઈ કાછીયા બાઈક લઈ ધનસુરા સામાજિક પ્રસંગમાં હાજરી આપવા અને સંબધીને મળવા આવતા હતા. ધનસુરા-માલપુર ત્રણ રસ્તા પર બાયડ તરફથી આવતા ટ્રકના ચાલકે પાછળથી ગફલતભરી રીતે હંકારી બાઈકને જોરદાર ટક્કર મારતા બાઈક પાછળ બેઠેલા નટવરભાઈ શંકર ભાઈ કાછીયા (ઉં.વર્ષ-૬૬) રોડ પર પટકાતા શરીરે ગંભીર ઈજાઓ પહોંચી હતી. ઈજાઓને પગલે ઘટનાસ્થળે જ તેમનું મોત નીપજ્યું હતું.

બાઈક ચાલક ઘનશ્યામ કાછિયાના શરીરે ઈજાઓ પહોંચતા અકસ્માતના સ્થળે આજુબાજુથી દોડી આવેલા લોકોએ ઇજાગ્રસ્તને વાત્રક હોસ્પિટલમાં સારવાર અર્થે ખસેડાયા હતા. અકસ્માતની ઘટનાના પગલે દોડી આવેલી ધનસુરા પોલીસે મૃતકના મૃતદેહને પીએમ માટે ખસેડી કાયદેસરની કાર્યવાહી હાથધરી અકસ્માત સર્જી ઘટનાસ્થળે ટ્રક મૂકી ફરાર ટ્રક ચાલક વિરુદ્ધ અકસ્માતે મોતનો ગુનો નોંધી ઝડપી પાડવા ચક્રો ગતિમાન કર્યા હોવાનું પોલીસસુત્રો પાસેથી માહિતી પ્રાપ્ત થઈ હતી.

(7:59 pm IST)
  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST

  • કુવાડવામાં વરસાદ ચાલુ : રાજકોટના રૈયા ગામ અને સૌરાષ્‍ટ્ર યુનિવર્સિટીમાં વરસાદ ચાલુ access_time 4:13 pm IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST