Gujarati News

Gujarati News

News of Saturday, 15th September 2018

૧૪-૧૪ ચોરીઓના ગુન્હામાં ૭-૭ વર્ષથી નાસતી 'ચોરો કી રાની' અંતે ઝડપાઇ

લેડી ચોરને પકડવામાં અમદાવાદ એસઓજીના ડીસીપી ડો. હર્ષદ પટેલ ટીમને સફળતા

રાજકોટ, તા., ૧૫: ૧૪-૧૪ ચોરીઓના ગુન્હામાં છેલ્લા ૭ વર્ષથી નાસતી ફરતી 'ચોરો કી રાની' જેવી રીઢી આરોપી નફીસાબાનુને અમદાવાદના ડીસીપી અને હર્ષદ પટેલના સુપરવીઝન હેઠળ ઝડપી લઇ તેણીની સઘન પુછપરછ ચાલી રહયાનું અમદાવાદ ક્રાઇમ બ્રાન્ચ તથા એસઓજીના  સુત્રો જણાવે છે.

પાટણ શહેરના સીટી એ ડીવીઝન તથા પાટણ શહેરના સીટી બી ડીવીઝનના ચોરીઓના ગુન્હામાં વોન્ટેડ એવી નફીસાબાનુ  અમદાવાદના ફતેવાડી કેનાલ તરફથી આવી સુજલ પાર્ક થઇ હેપી હોમ તરફ જનાર છે  તેવી બાતમીના આધારે અમદાવાદના ખાસ પોલીસ કમિશ્નર ડીસીપી વિગેરે સાથે ચર્ચા કરી અમદાવાદ શહેર એસઓજી તથા ક્રાઇમ બ્રાન્ચના ડીસીપી ડો. હર્ષદ પટેલે વ્યુહ રચના ગોઠવી અને ખાસ ટીમો સાથે પોલીસ સબ ઇન્સ્પેકટર જે.કે.રાઠોડ તથા પીએસઆઇ એ.વી.શીયાળીયા, હેડ કોન્સ્ટેબલ રાજેન્દ્રકુમાર હીરાલાલ તથા હેડ કોન્સ્ટેબલ  ફિરોઝખાન નસરૂદીનની ટીમે નફીસાબાનુને ઝડપી લીધી હતી. ધરપકડ સમયે તેણીએ બ્લેક ડ્રેસ પહેર્યો હતો.

પોલીસ પુછપરછમાં પાટણની ૧૪ થી  વધુ ચોરીઓમાં ૭-૭ વર્ષથી તેણી નાસતી હતી. તેણીને પકડવા માટે પાટણ પોલીસ પણ સક્રિય બની હતી. આમ છતાં હાથ આવતી ન હતી. અંતે અમદાવાદ એસઓજીના નાયબ પોલીસ કમિશ્રર ડો.હર્ષદ પટેલ ટીમને 'ચોરો કી રાની' જેવી નફીસાબાનુને પકડવામાં સફળતા સાંપડી હતી. તેણી સામે વિવિધ કલમો હેઠળ ગુન્હા દાખલ કરવામાં આવ્યા છે. (૪.૭)

(3:29 pm IST)
  • નરેન્દ્રભાઈના સ્વચ્છતા અભિયાનમાં અમિતાભ અને રતન ટાટા જોડાયાઃ 'સ્વચ્છતા હી સેવા' અભિયાનનો પ્રારંભ : આજથી ૨ ઓકટોબર સુધી સ્વચ્છતા માટે યોગદાન આપવા વડાપ્રધાનની અપીલ : ૩ લાખ બાળકોની જીંદગી બચી, ૪ વર્ષમાં ૯ કરોડ શૌચાલયો બન્યા access_time 3:19 pm IST

  • એક દેશ એક ચૂંટણી થાય : અમિત શાહઃ ભાજપના રાષ્ટ્રીય અધ્યક્ષે કહ્યું એક દેશ એક ચૂંટણી થાય: જે સમર્થનમાં હતા તે હવે ફરી ગયાઃ દેશમાં લોકસભા - વિધાનસભા ચૂંટણી એક સાથે યોજાય : ચંદ્રશેખરે કેમ વધાર્યા ચૂંટણી ખર્ચ : તેલંગણામાં ભાજપ મજબૂતીથી લડશે access_time 3:18 pm IST

  • ઉ.પ્ર.ના આઝમગઢમાં આંબેડકર પાર્કમાં આંબેડકરજીની મૂર્તિ સાથે ચેડાઃ તોડ ફોડઃ પોલીસ દ્વારા નરાધમોને ઝડપી લેવા પ્રયાસોઃ મૂર્તિ નવી મૂકવા તજવીજ હાથ ધરાઈ access_time 11:58 am IST