Gujarati News

Gujarati News

News of Friday, 15th March 2019

ઠાસરામાં 15 દિવસમાં 15 ભેંસના મોતથી પશુપાલકો ચિંતાતુર :અમૂલના દાણ ખાવાથી મોત થયાનો આક્ષેપ

અનેક ભેંસો બીમાર પડી : પશુ અધિકારી દ્વારા દાણના નમૂના તપાસ માટે મોકલાયા

ઠસારાઃ ખેડા જિલ્લાના ઠાસરા તાલુકાના રવાલીયા ગામે ૧૫ ભેંસના મોત થતા પશુપાલકો ચિંતાતુર બન્યા છે. અમૂલનું દાણ ખાવાથી ભેંસના મોત થતા હોવાનો પશુપાલકો દ્વારા આક્ષેપ કરી ભેંસના મોત અંગે તપાસની માંગ કરવામાં આવી રહી છે.

ઠાસરા તાલુકાના રવાલીયા ગામમાં છેલ્લા 15 દિવસથી ભેંસના મોત થઇ રહ્યા છે. આજે વધુ એક ભેંસના મોત સહિત અત્યાર સુધીમાં ૧૫ ઉપરાંત ભેંસના મોત થયા છે. અન્ય અનેક ભેંસ દરરોજ બીમાર પડી રહી છે. રોજે રોજ બીમાર પડી રહેલી તેમજ મૃત્યુ પામી રહેલી ભેંસને પગલે ગામના પશુપાલકો ચિંતાતુર બન્યા છે.
પશુપાલકોના મત મુજબ, અમૂલનું પશુદાણ ખાવાને કારણે ભેંસના મોત થઇ રહ્યા છે. પશુપાલકો દ્વારા આ અંગે રજુઆત કરવામાં આવતા પશુ અધિકારી દ્વારા દાણના નમૂના તપાસ માટે મોકલવામાં આવ્યાં છે.

(12:28 am IST)
  • કાલથી ગરમીમાં ઉછાળો આવશે : કાલથી ગરમીમાં ક્રમશઃ વધારો થતો જશે : સોમ-મંગળ તાપમાન ૩૬ ડિગ્રીને પાર કરી જશેઃ તા.૨૦-૨૧ ફરી આંશિક ઘટશે : તા.૧૬થી ૧૯મીના સાંજ સુધી ભેજનું પ્રમાણ ઓછુ રહેશે : વેધરએનાલીસ્ટ અશોકભાઈ પટેલની આગાહી access_time 3:51 pm IST

  • રાફેલ મામલો :સુપ્રીમ કોર્ટે કહ્યું પહેલા કેન્દ્ર સરકારની આપત્તિઓ પર નિર્ણય લેવાશે :પીઠે કહ્યું કે કેન્દ્ર દ્વારા ઉઠાવેલ પ્રારંભિક વાંધા પર ફેંસલોઃ કર્યા બાદ મામલાના તથ્યો પર વિચારણા કરાશે access_time 1:30 am IST

  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST