Gujarati News

Gujarati News

News of Thursday, 14th March 2019

આણંદ તાલુકાના રાસનોલમાં મિલ્કત બાબતે ત્રણ શખ્સોએ પરિવારના ત્રણ સભ્યો પર જીવલેણ હુમલો કરતા ગંભીર ઇજા

આણંદ: તાલુકાના રાસનોલ ગામે ગઈકાલે રાત્રીના સુમારે ભાગ બાબતે સગાભાઈ સહિત ત્રણ શખ્સોએ લોખંડની પાઈપ અને લાકડાના ડંડાથી હુમલો કરીને ભાઈ અને માતા-પિતાને માર મારીને પગોના ભાગે ફેક્ચર કરી નાંખતા આ અંગે ખંભોળજ પોલીસે ગુનો દાખલ કરીને તપાસ હાથ ધરી છે. 

મળતી વિગતો અનુસાર રાસનોલના ગબાપુરા ગઢ વિસ્તારમાં દિલીપભાઈ પુનમભાઈ પરમાર પોતાના પરિવાર સાથે રહે છે. ગઈકાલે રાત્રીના સાડા આઠેક વાગ્યાના સુમારે ચીખોદરા ડેરીમાં દૂધ ભરીને ઘરે આવ્યા હતા ત્યારે તેના મોટાભાઈ અને તેના સસરા પ્રતાપભાઈ પ્રભાતભાઈ રાઠોડ તેના પિતા પુનમભાઈને કહેતા હતા કે તમો વિજયને ભાગ આપી દો. જેથી પુનમભાઈએ તે કશું કામધંધો કરતો નથી જેથી તેને ભાગ નહીં મળે તેમ જણાવ્યું હતુ. જેથી વિજયભાઈ એકદમ ઉશ્કેરાઈ ગયો હતો અને ગમે તેવી ગાળો બોલવા લાગ્યો હતો. જેથી દિલીપભાઈએ તેને ગાળો બોલવાની ના પાડતાં પોતાના હાથમાની લોખંડની પાઈપ ડાબા ખભા ઉપર તેમજ પગોના ભાગે મારી દીધી હતી. સસરા પ્રતાપભાઈએ પણ લાકડાના ડંડાથી માર માર્યો હતો. પુનમભાઈ તથા જશીબેન વચ્ચે પડતાં તેમને પણ લોખંડની પાઈપથી માર માર્યો હતો. વિજયનું ઉપરાણું લઈને તેનો મિત્ર અર્જુન રાવજીભાઈ લોખંડની પાઈપ લઈને આવી ચઢ્યો હતો અને માર માર્યા હતા. 

(5:58 pm IST)
  • રાત્રે રાજકોટના ગુરુપ્રસાદ ચોક પાસે અકસ્માત.: રીક્ષા અને કાર વચ્ચે ગંભીર અકસ્માત સર્જાયો : રીક્ષા ચાલકની હાલત ગંભીર access_time 11:09 pm IST

  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST

  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST