Gujarati News

Gujarati News

News of Thursday, 15th February 2018

ઓલપાડ નજીક ગાડી લેવાના પૈસા આપવાની પરિણીતાએ ના કહેતા સાસરિયાએ જીવતી સળગાવાની ધમકી આપી

ઓલપાડ:તાલુકાના બરબોધન ગામે લગ્ન કરનાર કીમની યુવતિ પાસે પતિ અને સાસુ-સસરાએ ગાડી લેવા માટે પાંચ લાખની માંગણી કરી હતી. નાણાં લાવવાની ના પાડતા પુત્ર સાથે જીવતા સળગાવી દેવાની ધમકી આપતા પરિણીતાએ પિયર જઇ ફરિયાદ નોંધાવી છે.

કીમ ખાતે હીરાપન્ના સોસાયટીમાં રહેતા ધીરજ પરમારની દિકરી રશ્મિકાના તા. ૨૫-૫-૨૦૧૩ના રોજ બરબોધન ગામે નવી કોલીનીમાં રહેતા હેનલ નટવરભાઇ કોસંબીયા સાથે સમાજના રીતરિવાજ મુજબ લગ્ન થયા હતા. 

રશ્મીકાને લગ્નમાં કરિયાવરમાં સોનાના દાગીના અને ઘરવખરીનો સામાન વિગેરે આપેલા હતા. હેનલ અને રશ્મીકાના લગ્નજીવનમાં સાડા ત્રણ વર્ષનો દિકરો છે. લગ્નના બે મહિના સુધી પતિ હેનલ, સસરા નટવરભાઇ કોસંબીયા અને સાસુ જયાબેને રશ્મીકાને સારી રીતે રાખી હતી.

રશ્મિકાએ પતિ અને સાસુ-સસરા વિરૃદ્ધ ઓલપાડ પોલીસ મથકમાં અરજી આપી હતી. અરજીની તપાસ આધારે ગતરોજ દહેજ પ્રતિબંધક ધારા હેઠળ ગુનો નોંધી આગળની કાર્યવાહી હાથ ધરી છે.

(6:02 pm IST)
  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • સાંજે જામનગર નજીક ઢીંચડા ગામમાં બે જૂથ વચ્ચેની અથડામણમાં ખાનગી ફાયરિંગની ઘટના બનવા પામેલ તે અંગે બેડી મરીન પોલીસ ટુકડી તપાસ કરી રહી હોવાનું જાણવા મળે છે access_time 12:42 am IST

  • આફ્રિકાના નૈરોબી ખાતે એક બિલ્ડીંગ ઉપરથી કુદીને ગુજરાતી યુવકે જીવ આપ્યાના હેવાલોઃ નૈરોબી ગુજરાતી સમાજે આ બનાવને સમર્થન આપ્યું છે access_time 4:11 pm IST