Gujarati News

Gujarati News

News of Thursday, 15th February 2018

આવતા મહિનાથી ફરી પાટીદાર અનામત આંદોલનના મંડાણ

મધ્યપ્રદેશ અને રાજસ્થાનની મુલાકાતો લઇ ખેડુતોની વેદનાને વાચા આપશે : હાર્દિક પટેલે કરી જાહેરાતઃ જનજાગૃતિ યાત્રા યોજશે

અમદાવાદ તા.૧પ : ગુજરાત વિધાનસભાની ચૂંટણીના પરિણામ આવ્યા બાદ ઠંડુ પડી ચુકેલુ પાટીદાર અનામત આંદોલન આવતા મહિનાથી ફરી શરૂ થાય તેવી શકયતા છે. પાસના મુખ્ય સંયોજક હાર્દિક પટેલે આ મુજબ જણાવ્યુ છે.

હાર્દિક પટેલે જણાવ્યુ છે કે આવતા મહિનાથી ગુજરાતભરમાં ફરી એક વખત યુવાનોની સમસ્યાઓ અને ખેડુતોની સમસ્યાઓની સાથે-સાથે પાટીદાર અનામતને લઇને જનજાગૃતિ યાત્રા કાઢવામાં આવશે. ગઇકાલે જુનાગઢના ગાઠીલા ગામમાં ખેડુતોને મળ્યા બાદ હાર્દિક પટેલે આ જાહેરાત કરી હતી. તેમણે આ બાબત ટવીટના માધ્યમથી પોતાના સમર્થકોને પણ જણાવી હતી.

હાર્દિક પટેલ આવતા દિવસોમાં મધ્યપ્રદેશ અને રાજસ્થાનની રાજનીતિમાં પણ સક્રિય થવાના છે તેઓ આ બંને રાજયોમાં ભાજપ વિરૂધ્ધ પ્રચાર કરશે. ૧૯ ફેબ્રુઆરીએ તેઓ ભોપાલની મુલાકાત લેવાના છે. તેઓ બંને રાજયોમાં ખેડુતોના મુદાઓ ઉઠાવશે.

(2:43 pm IST)
  • ઇરાની રાષ્ટ્રપતિ હસન રૂહાની આજથી ભારતની ૩ દિવસીય યાત્રા ઉપર બપોરે ૪ વાગ્યે હૈદ્રાબાદ આવી પહોંચ્યા છે. કેન્દ્રીય મંત્રી આર.કે.સિધે તેમનું સ્વાગત કર્યું હતું access_time 4:29 pm IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 4:11 pm IST

  • હજારો કરોડના પંજાબ નેશનલ બેન્કના કૌભાંડમાં નિરવ મોદીને ત્યાં દરોડા : મુંબઈમાં એન્ફોર્સમેન્ટ ડાયરેકટોરેટના ત્વરિત પગલા : નિરવ મોદીના ઘરે અને ઓફીસે ૧૦ થી ૧૨ સ્થળો પર ઈડીએ શરૂ કર્યુ સર્ચ ઓપરેશન : પંજાબ નેશનલ બેન્કના ૧૧ હજાર ૪૦૦ કરોડના કૌભાંડની તપાસનો જબરો ધમધમાટ : અનેકને રેલો આવશે access_time 12:24 pm IST