Gujarati News

Gujarati News

News of Thursday, 14th June 2018

વડોદરામાં શૈલી એન્જિનિયરિંગ કંપનીમાં વીજશોક લાગતા કર્મચારીનું મોતઃ કંપનીની બેદરકારીથી મોત થયાનું અન્ય કર્મચારીઓનો આક્ષેપઃ બસો ઉપર પથ્થરમારોઃ પોલીસ દ્વારા લાઠીચાર્જ

વડોદરાઃ બુધવારે સાવલીના ભાદરવા સાકરદા રોડ પર સ્થિત શૈલી એન્જિનિયરિંગ કંપનીમાં રાત્રીના ફરજ દરમિયાન એક કર્મચારીનું મોત નીપજ્યું હતું. કહેવામાં આવી રહ્યું છે કે પાણીના કુલરમાંથી કર્મચારીને વીજ કરંટ લાગ્યો હતો જેમાં તેનું મોત નીપજ્યું હતું. જો કે કંપનીના અન્ય કર્મચારીઓએ આરોપ લગાવ્યો કે કર્મચારીનું મોત કંપનીની બેદરકારીને કારણે થયું હતું.

સાથી કર્મચારીના મોત બાદ અન્ય કર્મચારીઓએ કંપની બહાર જ દેખાવ કરવાનું શરૂ કરી દીધું, આ દરમિયાન સ્ટાફને લઇને જતી બસ પર પથ્થરમારો શરૂ કરી દીધો હતો. બેકાબુ બનેલા ટોળાને વિખેરવા પોલીસ બોલાવવાની ફરજ પડી હતી, ભાદરવા પોલીસનો સ્ટાફ ઘટનાસ્થળે પહોંચી હળવો લાઠીચાર્જ કર્યો હતો. આ દરમિયાન કામદારો અને પોલીસ વચ્ચે પણ ઘર્ષણ સર્જાયું હતું.

(6:25 pm IST)
  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST

  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST