Gujarati News

Gujarati News

News of Friday, 14th February 2020

નોંધણી કરાવેલ ખેડૂતો પૈકી અડધાએ સરકારને મગફળી વેચી, અડધાએ ન વેચીઃ કાલથી ચણા માટે ઓનલાઈન નોંધણી થશે

૨,૪૫,૧૦૫ ખેડૂતો પાસેથી ૨૫૦૮ કરોડની ખરીદીઃ ૧,૬૮,૮૪૨ ખેડૂતોને ૧૭૭૭ કરોડ ચૂકવાયા

રાજકોટ, તા. ૧૪ :. રાજ્ય સરકારે નાગરિક પુરવઠા નિગમને જવાબદારી સોંપીને કરેલ મગફળી ખરીદી પ્રક્રિયા ગઈકાલે પુરી થઈ ગઈ છે. જેટલા ખેડૂતોએ મગફળી વેચવા માટે ઓનલાઈન નોંધણી કરાવેલ તે પૈકી અડધા ખેડૂતોએ સરકારને મગફળી વેચી છે. અડધા ભાગના ખેડૂતોએ સરકારના બદલે ખાનગી રાહે મગફળી વેચી હોય અથવા અન્ય પાક વાવ્યો હોવા છતા જે તે વખતે મગફળીની નોંધણી કરાવી હોય તેવુ કંઈ બનવા જોગ છે. આવતીકાલથી સરકાર ચણાની ટેકાના ભાવે ખરીદી માટે કામગીરી શરૂ કરશે. નિયત માર્કેટયાર્ડોમા ચણાની ખરીદી માટે ઓનલાઈન નોંધણી થશે.

મગફળી માટે ૪,૭૧,૪૬૦ ખેડૂતોએ નોંધણી કરાવેલ. સરકારે તે તમામને મગફળી લાવવા માટે મેસેજ મોકલ્યા હતા. અડધા જેટલા ખેડૂતો આવેલ. જેમાંથી ૨,૪૫,૧૦૫ ખેડૂતો પાસેથી ૪,૯૨,૮૬૦ મેટ્રીક ટન મગફળી ખરીદવામાં આવી છે. જેની કિંમત ૨૫૦૮.૬૬ કરોડ થાય છે. ૧,૬૮,૮૪૨ ખેડૂતોને રૂ. ૧૭૭૭.૪૧ કરોડ ચૂકવી દેવામાં આવ્યા છે. બાકીના ખેડૂતોને ચુકવણા માટેની પ્રક્રિયા ચાલી રહી છે. સૌથી વધુ ખેડૂતો ૮૨,૫૦૦ રાજકોટમાં નોંધાયેલ તે પૈકી ૫૦,૯૪૩ ખેડૂતોએ મગફળી વેચી છે. એક બે વિવાદોને બાદ કરતા એકંદરે મગફળી ખરીદી પ્રક્રિયા શાંતિપૂર્ણ રીતે પૂરી થઈ છે.

(3:25 pm IST)
  • હું મહારાષ્ટ્રની બહાર જવા માંગતો નથી : નોકરી આડે 2 વર્ષ બાકી છે તે દરમિયાન અન્ય રાજ્યમાં બદલી થતાં બોમ્બે હાઇકોર્ટ જજ શ્રી ધર્માધિકારીનું રાજીનામુ : રાષ્ટ્રપતિ દ્વારા મંજુર થવાનું બાકી access_time 8:06 pm IST

  • જીત્યા જરૂર છીએ પણ ઈવીએમની વિશ્વસનીયતા ઉપર ચોક્કસ સવાલ છે : જે દેશમાંથી ઈવીએમ મશીન આવે છે તે દેશમાં ખુદ બેલેટ પેપરથી મતદાન થાય છે : ભાજપએ ચૂંટણીના અંતિમ દિવસ સુધી લોકોને ગંગાજળના કસમ ખવડાવી હિન્દુત્વની રાજનીતિ અપનાવી હતી : આમ આદમી પાર્ટીના ધારાસભ્ય સૌરભ ભારદ્વાજ access_time 7:46 pm IST

  • ગાંધી આશ્રમથી ગાંધીનગર સુધી પદયાત્રાઃ ભાજપ નેતા અલ્પેશ ઠાકોરની સરકારને ચીમકી : આશ્વાસન છતાં ૩ દિવસ વિત્યાઃ નિર્ણય નહિ લેવાય તો પદયાત્રા કરીશઃ ભાજપ નેતા અલ્પેશ ઠાકોરની સરકારને ચીમકીઃ સરકાર સામે ભાજપ નેતાએ બાયો ચઢાવીઃ ૪૮ કલાકમાં LRD પરિપત્ર રદ કરો. access_time 1:02 pm IST