Gujarati News

Gujarati News

News of Wednesday, 14th February 2018

બનાસકાંઠામાં ભાજપમાં ભડકો, પૂર્વ જીલ્લા પંચાયત પ્રમુખ રાજેન્દ્ર જોશી કોંગ્રેસમાં જોડાયા

બનાસકાંઠાઃ બનાસકાંઠાના ભાજપના આગેવાન અને જીલ્લા પંચાયતના પૂર્વ પ્રમુખ રાજેન્‍દ્ર જોશી કોંગ્રેસમાં જોડાતા ભારે ખળભળાટ મચી ગયો છે.

પ્રાપ્ત માહિતી મુજબ ગુજરાત વિધાનસભાની ચુંટણી બાદ રાજ્યમાં ભાજપના ઘટતા જનાધારને પગલે લોકો કોંગ્રેસ તરફ આગળ વધી રહ્યા છે. જેના પગલે બનાસકાંઠા જીલ્લા પંચાયતની ચુંટણી પૂર્વે જ ભાજપમાં ભંગાણ સર્જાયું છે .જેમાં જીલ્લા પંચાયતના પૂર્વપ્રમુખ રાજેન્દ્ર જોશી કોંગ્રેસમાં જોડાયા છે.

ઉલ્લેખનીય છે કે રાજેન્દ્ર જોશી આ પૂર્વે કોંગ્રેસ છોડીને ભાજપમાં જોડાયા હતા. જે આજે ફરી એક વાર કોંગ્રેસમાં જોડાયા છે. રાજેન્દ્ર જોશી બનાસકાંઠા જીલ્લાની સમગ્ર ટીમ સાથે કોંગ્રેસમાં જોડાયા છે. જિલ્લા પંચાયતના પૂર્વ પ્રમુખ જિલ્લા પંચાયતની ચૂંટણી પહેલા કોંગ્રેસમાં જોડાતા ભાજપને ઝટકો લાગ્યો છે.

(7:57 pm IST)
  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટોઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી access_time 9:38 am IST

  • ગાંધીનગરમાં આજે રાજ્ય સરકારની કેબિનેટ બેઠક યોજાઈ હતી. મુખ્યમંત્રી વિજય રૂપાણીની અધ્યક્ષતામાં યોજાયેલી બેઠકમાં જળસંકટ, આગામી બજેટ સત્ર ઉપરાંત વર્તમાન પરિસ્થિતિ સહિતના મુદ્દે ચર્ચા થઈ હતી. સાથે જ કેનેડાના પીએમ આગામી અઠવાડિયે ગુજરાત આવવાના હોઈ તે મુદ્દે પણ ચર્ચા થઈ હોવાનું જાણવા મળે છે. access_time 3:33 pm IST

  • અમેરિકાની નેશનલ સિક્યોરીટી એજન્સી NSAના મેરીલેન્ડ સ્થિત હેડકવાર્ટરના ગેઇટ પાસે એક કાળા કલરની SUV ગાડી માંથી થયું અંધાધુંધ ફાયરીંગ : 3 લોકો થયા ઘાયલ : પોલીસે 1 શકમંદને દબોચ્યો : સુરક્ષા એજન્સીઓ થઈ સતર્ક : વિસ્તારમાં પોલીસ દ્વારા કરાઈ નાકાબંદી access_time 8:28 pm IST